१ भाद्र २०७९, बुधबार

तालिवान पनि इदमा युद्धविराम गर्न सहमत

२०७५,जेष्ठ,२७,आईतवार १२:५२

0
Shares

काबुल- तालिवान लडाकूहरुले तीन दिनका लागि शनिबार युद्धविरामको घोषणा गरेका छन् ।

इद उद फित्रको अवसरमा सरकारी सुरक्षा फौजसँग कुनै हिंसात्मक गतिविधि नगर्ने गरी युद्धरत तालिवानले विराम घोषणा गरेको अधिकारीहरुले बताएका छन् ।

तीन दिने इद विदाका बेला अफगानिस्तानका सरकारी फौजलाई केही नगरेपनि विदेशी पदाधिकारी विरुद्धको कारबाही भने जारी रहने तालिबानले स्पष्ट पारेको छ । तालिवान समूहले आफुहरु विरुद्ध कुनै कारबाही भएमा भने कडा रुपमा प्रतिकार गर्ने एक विज्ञप्ति प्रकाशन गरेर जनाएका छन् ।

सरकारी पक्षले एक हप्ता लामो युद्धविराम घोषणा गरेपछि तालिबान समूहले दुई दिने युद्धविराम घोषणा गरेको विज्ञप्ति शनिबार बिहानै यहाँका सञ्चारमाध्यमहरुलाई पठाएका थिए ।

“इद उल फित्रका अवसरमा तीन दिन सरकारी सुरक्षाकर्मी विरुद्धका सबै कारबाहीहरु रोक्न निर्देशन दिइएको छ,” तालिवानद्धारा प्रेषित सन्देशमा भनिएको छ । सन्देशमा आफूलाई आक्रमण गर्नेका विरुद्धमा कडा प्रतिवाद गरिने र विदेशीहरु विरुद्धको कारबाही पनि जारी रहने उल्लेख गरिएको छ ।

सन् २००१ देखि अहिलेसम्मको युद्धका क्रममा तालिवान लडाकूहरुको तर्फबाट अफगानिस्तानमा इदको अवसरमा युद्धविराम भएको यो पहिलो पटक हो ।

यसपटक अफगानिस्तानका राष्ट्रपति असरफ घानीले गत मङ्गलबार तालिवान विरुद्ध एक हप्ते युद्धविराम घोषणा गर्नु भएको थियो ।

उहाँको सो घोषणाले पनि तालिवानहरुलाई आफ्नो तर्फबाट युद्धविराम गर्न दबाब सिर्जना गरेको अधिकारीहरुले जनाएका छन् । 

 

प्रकाशित मिति: २०७५,जेष्ठ,२७,आईतवार १२:५२

प्रतिक्रिया दिनुहोस !
सम्बन्धित खबरहरु

काठमाडौं । गणतन्त्र इन्डोनेसियाको ७७औँ स्वतन्त्रता दिवसको अवसरमा नेपालका लागि इन्डोनेसियाका अवैतनिक वाणिज्य दूतको कार्यालय  रहेकाे आइएमई कम्प्लेक्स परिसरमा झण्डोत्तलनको

लन्डन । गैरआवासीय नेपाली संघ (एनआरएनए) बेलायत कार्यालयको बिजुली काटिएको छ । एनआरएनए यूकेका कोषाध्यक्ष विष्णु खरेलले दिएको जानकारी अनुसार

काठमाडौं । साउदी अरबस्थित नेपाली दूतावासले त्यहाँ रहेका नेपालीलाई दिउँसो (मध्यान्ह १२ बजेदेखि दिउँसो ३ बजेसम्म) बाहिर घाममा काम नगर्न

काठमाडौं । ईजरायलले नर्सिङ क्षेत्रमा लैजाने नेपाली कामदारको प्रक्रिया रोकिएकोबारे नेपालले ध्यानाकर्षण गराएको छ । इजरायल जाने अन्तिम तयारीमा रहेका

ताजा समाचार

बालेन र साम्पाङकाे फेुसबुके रमिता !
 २०७९,भाद्र,१,बुधबार २२:००
वडा कार्यालयको पनि शाखा !
 २०७९,भाद्र,१,बुधबार २१:४५