राप्रपा पूर्व अध्यक्ष कमल थापाले आफूले पार्टी विभाजन नगर्ने बताएका छन् । उनले विचार मिलेन भने पार्टीबाट कुनैदिन नैतिक आधारमा अलग हुन सक्ने भएपनि राप्रपा विभाजन भने नगर्ने बताएका हुन् ।
सामाजिक सञ्जालमार्फत उनले विगतमा राजसंस्थाको एजेण्डा बोक्दा आफूलाई सत्तोसराप गर्नेहरुले नै अहिले आफूले राजा राजनीति भन्दा माथि रहनुपर्छ भन्दा खेदो खनिरहेको गुनासो गरेका छन् ।
उनले बिहीबार भनेका छन्, ‘हॅासो र उदेक लाग्छ।त्यो राजतन्त्रप्रति विकसित नयॅा मोह हो वा मेरो चरित्रहत्या गर्ने रहर, मैले बुझ्न सकेको छैन।’
उनले अगाडि भनेका छन्, ‘म निरंकुश र सक्रिय राजतन्त्रको पक्षमा छैन। राप्रपाको आन्तरिक प्रतिस्पर्धामा निर्मल निवासको नांगो हस्तक्षेपबाट राजा निष्पक्ष अभिभावक र राजनीति भन्दा माथी बस्न नचाहने स्पष्ट संकेत मिलेको छ। मेरो समस्या र पीडा त्यही हो। यो प्रसंगलाई हारजीतसंग जोडेर हेर्नेहरुले समस्याको जडलाई बुझ्न सक्दैनन्। उनीहरुको विवशता प्रति मेरो दया छ।’
थापाले पुस २७ देखि छुट्टै अभियान सञ्चालनको तयारी गर्दैगर्दा यस्तो बताएका हुन् ।
यो खबर पढेर तपाईलाई कस्तो महसुस भयो ?
प्रतिक्रिया