४ माघ २०७८, मंगलवार

स्वास्थ्य बीमा गरे पनि सेवा नपाएको गुनासो

२०७५,जेष्ठ,२७,आईतवार ०१:२८

0
Shares

सल्लेरी : सोलुखुम्बुमा स्वास्थ्य बीमा गरे पनि सेवा नपाएको बिमितले गुनासो गरेका छन् । जिल्लामा स्वास्थ्य बीमा गराएबापत नियमअनुसार पाउनुपर्ने औषधि नपाएको उनीहरुको गुनासो छ । सेवा नपाउनेमा सर्वसाधारणदेखि जनप्रतिनिधिसमेत रहेका छन् । 

सोलुदूधकुण्ड नगरपालिकाका प्रमुख नाम्गेल जाङबु शेर्पाले आफैँले स्वास्थ्य बीमाको शुभारम्भ गरेको भए पनि सेवा नपाएको बताए। उनले भने, “स्वास्थ्य बीमाको म आफैंले शुभारम्भ गरे, एक दिन बिरामी भएर अस्पताल जाँदा औषधि नै पाइनँ, यस्तो हुँदा साह्रै दुःख लाग्यो ।” 

सोलुदूधकुण्ड नगरपालिका–७ निवासी गोम्बु शेर्पाले पनि स्वास्थ्य बीमा गराए पनि अस्पतालमा औषधि नपाएको बताए । “बिरामी हुँदा रु ५० हजार बराबरको उपचार सेवा पाइन्छ भन्थे तर एक रुपैयाँकैए पनि पाइन ।” अस्पतालमा निःशुल्क पाइने औषधि नपाएको भन्दै उनले सम्बन्धित निकायलाई सुधारका लागि अनुरोध गरे । 

यता स्वास्थ्य बीमा बोर्ड काठमाडौँमार्फत सोलुखुम्बुका दर्ता अधिकारी प्रदीप बस्नेतले आफूहरुले औषधि खरीदका लागि अस्पताललाई भुक्तानी दिएको भए पनि खरीदमा ढिलाइ हुँदा समस्या भएको बताए । चार महिनाअगाडि नै औषधि खरीदका लागि पेश्कीबापत भुक्तानी दिएको भए पनि जिल्ला स्वास्थ्य कार्यालयले औषधि खरिद नगरेको उनको भनार्इ छ । 

यस विषयमा जिल्ला स्वास्थ्य कार्यालय सोलुखुम्बुका प्रमुख डाक्टर मिङमार छिरिङ शेर्पाले स्वास्थ्य बीमाको औषधि केही दिन भित्रैमा जिल्ला आइसक्ने बताए । डाक्टर शेर्पाले चार/पाँच दिन भित्रैमा जिल्लामा स्वास्थ्य बीमा बापतको करीब ९०० प्रकारका औषधि उपलब्ध हुने जानकारी दिनुभयो । 

बीमा बापतको औषधि खरीदका लागि पाँच लाख रूपैयाँ ऋण लिएर औषधि खरीद प्रक्रिया अगाडि बढाएको भए पनि केन्द्रीय कार्यालयको प्रमुख परिवर्तन भएकाले औषधि खरीदमा ढिलाइ भएको उहाँले स्वीकार गर्नुभयो । अहिलेसम्म जिल्लामा करीब तीन हजार २०० जनाले स्वास्थ्य बीमा गराएका छन् । २०७४ साल असोज २५ गतेबाट सोलुखुम्बुमा स्वास्थ्य बीमा कार्यक्रमको औपचारिक शुरुवात गरिएको थियोे ।

प्रकाशित मिति: २०७५,जेष्ठ,२७,आईतवार ०१:२८

प्रतिक्रिया दिनुहोस !
सम्बन्धित खबरहरु

डा. हेमराज कोइराला I मकर सङ्क्रान्तिमा तिलको लड्डु, तरुल, घिउ, चाकु, मुङ्गफलीको चक्की, खिचडी, बेसनको लड्डु, आदि खाने चलन छ।

रोग लागेर उपचार गर्नु भन्दा रोग लाग्न नदिनु नै बुद्धिमानी हुने हुनाले कोरोना भाइरसको सङ्क्रमण हुन नदिन र भएमा के

अहिले विश्वमा कोरोना भाइरसको ओमिक्रोन भेरियन्टले संत्रास मच्चाइरहँदा नेपालमा पनि यो भाइरसको सङ्क्रमण देखिन थालेको छ । तर पछिल्लो केही

धेरै महिलाहरूमा महिनावारी नियमित नहुने समस्या देखिने गरेको छ । सामान्य अवस्थामा महिनावारी हुँदा त महिलाहरूलाई धेरै नै अप्ठ्यारो हुने

ताजा समाचार