१२ माघ २०७८, बुधबार

सशस्त्र द्वन्द्वमा जलेका लालपुर्जा वितरण शुरु

२०७५,जेष्ठ,२३,बुधबार १३:३९

0
Shares

 सरकारले तत्कालीन नेकपा (माओवादी) आक्रमणका क्रममा जलेका किसानका लालपूर्जा वितरणको काम शुरु गरेको छ ।
द्वन्द्वका क्रममा लालपूर्जा जलेपछि पुनःनापी गरेर लालपुर्जा वितरण गर्न लागिएको छ । लालपुर्जा वितरण कार्यको शुरुआत अर्घाखाँचीबाट भएको छ ।

कृषि, भूमि, व्यवस्था तथा सहकारीमन्त्री चक्रपाणि खनालले अर्घाखाँचीको सन्धिखर्क नगरपालिका–२ बाट लालपूर्जा वितरण शुरु गर्नुभएको हो । आर्थिक वर्ष २०७२÷०७३ मा सन्धिखर्कमा नापनक्शाको काम शुरु भएको थियो । सन्धिखर्क–२ मा मात्र चार हजार ७४७ कित्ता क्षेत्रफलको ८४१ जग्गाधनीका लालपूर्जा जलेको पाइएको थियो ।

द्वन्द्वका क्रममा पाल्पा, सिरहा, संखुवासभा र अछाममा भएका आक्रमणमा लालपूर्जा जलेका थिए ।नापी विभागका महानिर्देशक गणेशप्रसाद भट्टका अनुसार अछाममा नापजाँचको काम सकिइसकेको छ । अछाममा आव २०६४÷०६५, पाल्पामा २०७१÷०७२ र सिरहामा २०७२÷०७३ मा  नापीको काम शुरु भएको थियो ।

अहिलेसम्म पाल्पामा २५ प्रतिशत नापीको काम सकिएको महानिर्देशक भट्टले बताउनुभयो । सिरहा सदरमुकाम क्षेत्रमा नापीको काम चलिरहेको छ भने संखुवासभाको चैनपुरमा शुरु हुन सकेको छैन । यस वर्ष पनि संखुवासभामा नापनक्शाको कार्यक्रम पर्न सकेको छैन । सरकारले तीन वर्षभित्र सबैलाई जग्गाधनी दर्ता प्रमाणपत्र वितरण गरिसक्ने जिकिर गरेको छ ।

 

प्रकाशित मिति: २०७५,जेष्ठ,२३,बुधबार १३:३९

प्रतिक्रिया दिनुहोस !
सम्बन्धित खबरहरु

दक्षिण अफ्रिकास्थित एउटा चिडियाखानामा सिंह र बिरालोमा पनि कोभिड देखिएको छ । कोभिड संक्रमित ती दुबै जनवाबरहरुमा पनि मानिसमा जस्तै

धनगढी । भुकली सडक छेउमा टाँगेको सानो त्रिपालभित्र जसोतसो बसिरहेकी छिन् । केही दिनदेखि शीतलहर र हुस्सुसँगै चिसो अत्यधिक रुपमा

काठमाडौं । अहिलेको युग प्रविधिको हो । सामाजिक सञ्जाल बिना मानिसहरुले आफ्नो दैनिकी कल्पनासम्म गर्न सक्दैनन् । फेसबुक म्यासेन्जर एउटा

आपराधिक सत्य घटनामा आधारित नेपालकै पहिलो क्राइम एण्ड इन्भेस्टिगेसन सिरिज, क्राइम फाइल्स यहि आउँदो कात्तिक महिनादेखि कान्तिपुर टेलिभिजनबाट प्रशारण हुने

ताजा समाचार

देवदहमा भेटिएका शवको अझै पहिचान भएन
 २०७८,माघ,१२,बुधबार २०:५९
‘भिजिट भिसा’ दिन मापदण्ड बनाइने
 २०७८,माघ,१२,बुधबार २०:५४