पूर्व विश्वविजेता अर्जेन्टिनाले राजनीतिक कारण देखाउँदै इजरायलसँगको मैत्रीपूर्ण फुुटबल खेल रद्ध गरेको छ ।
अर्जेन्टिना र इजरायलबीच विश्वकप अन्तर्गत अभ्यास खेल आगामी शनिबार जेरुसेलममा हुने तय भएको थियो । इजरायल र प्यालेस्टाइनबीचको तनाब र गाजा क्षेत्रमा इजरायली सेनाको ज्यादीको कुरा उठेपछि विश्वकपको तयारीमा रहेको अर्जेन्टिनाले अभ्यास खेल रद्ध गरेको जनाएको हो ।
गाजामा रहेका प्यालेस्टाइनीमाथि इजरायलको व्यवहार गलत भएको भन्दै इजरायलमाथि राजनीतिक दबाव छ । यस अधि अर्जेन्टिनाका कप्तान लियोनल मेस्सीलाई ७० जना बालबालिकाहरुको एक समूहले पत्र लेखेर इजरायलसँग फुटबल नखेल्न अपिल गरेको थियो ।
अर्जेन्टिनी सन्चार माध्यमहरुका अनुसार इजरायली प्रधानमन्त्री बेन्जामिन नेतान्याहुले अर्जेन्टिनाका राष्ट्रपति माउरिसिओ माक्रीलाई फोन गरेर खेल स्थगित गर्न भनेका थिए । पछिल्लो खबरअनुसार गाजामा इजरायली सेनाले १२० जना प्यालेस्टाइनीको हत्या गरेका छन् ।
मंगलबार राती नै भएको अर्को मैत्रीपूर्ण खेलमा चिलीले सर्बियालाई १–० गोल अन्तरले पराजित गरेको छ । यता आयोजक राष्ट्र रुस र टर्कीविचको खेल भने १—१ गोलको बराबरीमा रोकिएको छ ।
यो खबर पढेर तपाईलाई कस्तो महसुस भयो ?
प्रतिक्रिया