९ माघ २०७८, आईतवार

प्रदेश ३ लाई हराउदै पुलिस क्लब सेमिफाइनल नजिक

२०७५,जेष्ठ,२३,बुधबार ०५:१९

0
Shares

प्रदेश ३ लाई पराजित गदै नेपाल पुलिस क्लबले जारी एक्सेल्सिया कलेज प्रधानमन्त्री कप क्रिकेट प्रतियोगिताको सेमिफाइनलमा प्रवेश गर्ने सम्भाबनालाई बलियो बनाएको छ । 

मूलपानी क्रिकेट मैदानमा भएको खेलमा पुलिस क्लबले प्रदेश नम्बर ३ लाई ६ विकेटले पराजित गरेको हो । जित पछि पुलिसको ५ अंक भएको छ भने प्रदेश ५ र ७ को पनि समान ५ अंक नै छ ।

बुधबार हुने प्रदेश ५ र पुलिसबीचको खेलले सेमिफाइनलमा पुग्ने दुई टिमको टुंगो लाग्नेछ । बुधबारको खेलमा पुलिस वा प्रदेश ५ ले ठूलो अन्तरको जित हासिल गरेको खण्डमा प्रदेश ७ को पनि सेमिफाइनल पुग्ने सम्भावना कायमै छ ।

प्रदेश ७ ले समूह चरणको चारै खेल खेलिसकेको छ । वर्षाका कारण २० ओभरमा छोट्याइएको खेलमा टस जितेर पहिले ब्याटिङ गरेको प्रदेश ३ ले निधारित ओभरमा ९ विकेट गुमाएर १३७ रन बनायो । उसका लागि २ खेलाडीले मात्र दोहोरो अंकको रन बनाउन सके । अदिल खानले ४५ र सोनु तामाङले ४८ रन बनाउनुबाकेह अन्य खेलाडी क्रिजमा टिक्नै सकेनन् ।

बलिङतर्फ पुलिसका रामनरेश गिरीले ३ तथा ललित भण्डारीले २ विकेट लिए । १३७ रनको लक्ष्य पुलिसले इनिङको १ बल बाँकी छँदा ४ विकेटको क्षतिमा भेट्टायो । पुलिसका लागि ओपनर सुनील धमला र मध्यक्रमका ब्याट्सम्यान आरिफ शेखले उत्कृष्ट साझेदारी गर्दै टिमलाई जित दिलाए । यी दुईले चौथो विकेटका लागि ११० रनको साझेदारी गरेपछि पुलिसले जित हासिल गरेको हो ।

आरिफले ५४ बलमा २ छक्का र ४ चौकाको सहयोगमा ६० रन बनाउँदा सुनील धमलाले ४६ बलमा ३ छक्का र २ चौकाको सहयोगमा अविजित ५० रन बनाए । अन्तिम ओभरको दोस्रो बलमा आरिफ क्याचआउट भएपछि आएका पुलिसका कप्तान मञ्जित श्रेष्ठले तीन रन लिँदै जित दिलाए ।

बलिङतर्फ प्रदेश ३ का रुपेश श्रीवास्तवले २ विकेट लिए । आरिफ खेलको म्यान अफ द म्याच चुनिए ।

प्रकाशित मिति: २०७५,जेष्ठ,२३,बुधबार ०५:१९

प्रतिक्रिया दिनुहोस !
सम्बन्धित खबरहरु

काठमाडौं । पाँच पटकको च्याम्पियन नेपाल पुलिस क्लबलाई २–० ले पराजित गर्दै कीर्तिमानी ६ पटकको च्याम्पियन मनाङ मर्स्याङ्दी क्लब आहा–रारा

काठमाडौं । दुई अन्तर्राष्ट्रिय मैत्रीपूर्ण फुटबल खेल खेल्न मौरिससको टिम सोमबार नेपाल आइपुग्ने भएको छ । अखिल नेपाल फुटबल संघ

काठमाडौं । आईसीसी टी-२० विश्वकपमा पाकिस्तानलाई सेमिफाइनलसम्मको यात्रा तय गराएका मोहम्मद रिजवान ‘आईसीसी पुरुष टी-२० प्लेयर अफ दि इयर २०२१’

काठमाडौं । कीर्तिमानी २१औं पटक ग्रान्डस्लाम जित्ने लक्ष्यमा रहेका राफेल नाडाल अष्ट्रेलियन ओपन टेनिसको क्वाटरफाइनलमा प्रवेश गरेका छन् । आइतबार

ताजा समाचार

भारतबाट हुने आवतजावतमा रोक लगाइयो
 २०७८,माघ,९,आईतवार २०:२४