९ माघ २०७८, आईतवार

नैनसिंहको बोलीमात्रै, व्यवहारमा कार्यान्वयन खै ?

२०७५,जेष्ठ,२२,मंगलवार १४:५१

0
Shares

काठमाडौं– सरकारले पेट्रोलियम पदार्थमा मूल्यबृद्धि गरेको  विरोध गर्दै कांग्रेस निकट विद्यार्थी संगठन नेविसंघले सोमबार विज्ञप्ति निकाल्यो ।
सभापति नैनसिंह महरले निकालेको उक्त विज्ञप्तिमा तत्काल मूल्यबृद्धि फिर्ता लिन माग सहित  दवावमूलक संघर्षको कार्यक्रम तय गरिएको उल्लेख गरिएको थियो ।
दवावमूलक कार्यक्रमअनुसार मंगलबार देशभरिका जिल्ला प्रशासन कार्यालय घेराउसहित प्रशासनमा ज्ञापनपत्र बुझाउने तय थियो । तर, उक्त कार्यक्रमअनुसार अधिकांश जिल्ला प्रशासन कार्यालयमा घेराउ र ज्ञापनपत्र बुझाउने काम नै नभएको एक नेविसंघकै नेताले लोकपथलाई बताए । रोचक त के छ भने महरकै गृहजिल्ला डडेलधूरामा समेत कुनै कार्यक्रम नगरिएको पाइएको छ ।
डडेलधूराका प्रमुख जिल्ला अघिकारी मोहन राज शाहीले पेट्रोलियम पदार्थमा भएको मूल्यबृद्धिको विरोधमा आज कसैले पनि ज्ञापनपत्र नबुझाएको जानकारी दिए ।
 ‘प्रशासनमा कसैले ज्ञापनपत्र बुझाएको  छैन । बाहिर के  भनिएको थियो त्यो जानकारी छैन।’ उनले भने ।
यसविषयमा बुझ्न सभापति महरलाई सम्पर्क गर्दा सम्पर्कमा आएनन् । देशभर कांग्रेस निकट विद्यार्थी संगठन गुटउपगुटमा विभाजित देखिएको र सोहि अवस्था डडेलधूरामा पनि देखिएकाले  विरोध कार्यक्रम नै तय हुन नसकेको बुझिएको छ । यसो त डडेलधूरा पार्टी सभापति शेरबहादुर देउवाको गाउँ समेत हो । पार्टी सभापति र संगठनकका सभापतिकै गृहजिल्लामा पूर्वघोषित कार्यक्रम नहुनुलाई कार्यकर्ताले आश्चर्य व्यक्त गरेका छन् । उृनीहरुले बोलेको कुरा सभापतिले आफ्नै गृहजिल्लामा समेत कार्यान्वयन गर्न नसकेको भन्दै आलोचना समेत गरेका छन् ।
नेविसंघले बुधबार सबै जिल्ला प्रशासन कार्यालयमा कालो झण्डा गाडेर धर्ना दिने र सदरमुकाममा  एक घण्टा चक्का जाम गर्ने पनि तय गरेको छ । पहिलो दिन नै सशक्त विरोधको कार्यक्रम गर्नबाट चुकेको नेतृत्व भोलि र त्यसपछि पनि हुने भनिएको कार्यक्रममा कसरी प्रस्तुत हुन्छ त्यो भने हेर्न बाँकी नै छ ।
जेठ १९ मध्यरातदेखि लागू हुने गरी नेपाल आयल निगमले पेट्रोलियम पदार्थको भाउ बढाउने निर्णय गरेको थियो ।
निर्णयअनुसार पेट्रोल, डिजेल, तथा मट्टितेलको भाउ प्रतिलिटर रु ३–३ बढाइएको छ ।
मूल्य बढेसँगै यसअघि प्रतिलिटर ११० रुपैयाँ रहेको  पेट्रोलको भाउ ११३ पुगेको छ भने  प्रतिलिट ९२ रहेको डिजेल र मट्टितेलको भाउ बढेर  ९५ रुपैयाँ पुगेको छ ।

 

 

 

प्रकाशित मिति: २०७५,जेष्ठ,२२,मंगलवार १४:५१

प्रतिक्रिया दिनुहोस !
सम्बन्धित खबरहरु

दक्षिण अफ्रिकास्थित एउटा चिडियाखानामा सिंह र बिरालोमा पनि कोभिड देखिएको छ । कोभिड संक्रमित ती दुबै जनवाबरहरुमा पनि मानिसमा जस्तै

धनगढी । भुकली सडक छेउमा टाँगेको सानो त्रिपालभित्र जसोतसो बसिरहेकी छिन् । केही दिनदेखि शीतलहर र हुस्सुसँगै चिसो अत्यधिक रुपमा

काठमाडौं । अहिलेको युग प्रविधिको हो । सामाजिक सञ्जाल बिना मानिसहरुले आफ्नो दैनिकी कल्पनासम्म गर्न सक्दैनन् । फेसबुक म्यासेन्जर एउटा

आपराधिक सत्य घटनामा आधारित नेपालकै पहिलो क्राइम एण्ड इन्भेस्टिगेसन सिरिज, क्राइम फाइल्स यहि आउँदो कात्तिक महिनादेखि कान्तिपुर टेलिभिजनबाट प्रशारण हुने

ताजा समाचार

भारतबाट हुने आवतजावतमा रोक लगाइयो
 २०७८,माघ,९,आईतवार २०:२४