१ भाद्र २०७९, बुधबार

सिटौलाले भने‌, सामन्ती संस्कारले पार्टी चल्दैन

२०७५,जेष्ठ,२१,सोमवार १४:४६

0
Shares

काठमाडौँ । नेपाली काँग्रेसका नेता कृष्णप्रसाद सिटौलाले सामन्ती संस्कारले काँग्रेस अगाडि बढ्न नसक्ने बताउनुभएको छ ।

नेपाल विद्यार्थी संघ प्रदेश नं ३ ले आज यहाँ आयोजना ‘गरेको वर्तमान सन्दर्भमा नेवि संघको भूमिका’ विषयक विचार गोष्ठी तथा उदयपुरमा चुनाव प्रचारका क्रममा घाइते मीरा कटुवाललाई आर्थिक सहयोग कार्यक्रममा उहाँले पार्टी नयाँ संरचनाका साथ अगाडि बढ्नुपर्ने बताउनुभयो । “नीति, कार्यक्रम र सांगठनिक संरचना परिवर्तन आवश्यक छ,” उहाँले भन्नुभयो । 

नेता सिटौलाले पार्टीभित्र देखिएका गलत संस्कारलाई अन्त्य गरेर अगाडि बढेमात्र सफल हुने बताउनुभयो । काँग्रेस निदाएर बसे प्रजातन्त्र निदाउने भन्दै उहाँले प्रजातन्त्रलाई निदाउन नदिन नेवि संघको महत्वपूर्ण भूमिका रहेको उल्लेख गर्नुभयो । 

उहाँले वर्तमान सरकारले दुई तिहाइ छ भन्दैमा संविधानको भावना र मर्मविपरीत कार्य गरे काँग्रेस टुलुटुलु हेरेर नबस्ने स्पष्ट पार्नुभयो । नेता सिटौलाले शान्ति प्रक्रियालाई निष्कर्षमा पु¥याएर द्वन्द्वकालीन घटनालाई न्याय दिलाउने काम काँग्रेसले मात्र गर्नसक्ने उल्लेख गर्नुभयो । 

काँग्रेस केन्द्रीय सदस्य प्रदीप पौडेलले राज्यले शिक्षालाई निःशुल्क गर्नुपर्नेमा नगरी शिक्षामा कम बजेट विनियोजन गरेको भन्दै यसकोविरुद्धमा नेवि संघ उत्रिनुपर्ने बताउनुभयो । “ओली सरकार निर्माण भएपछि चारपटकसम्म पेट्रोलियम पदार्थको मूल्य बढिसकेको छ, यसकाविरुद्धमा नेविसंघ लाग्नुपर्छ”, उहाँले भन्नुभयो । 

नेता पौडेलले देशमा विधिको शासन स्थापना गर्न सिकाउने काँग्रेसभित्र नै विधिको शासन नभएको उल्लेख गर्नुभयो । “काँग्रेसलाई जनताले सच्चिने मौका दिएका छन्, संसद्मा जिम्मेवार प्रतिपक्षकारुपमा प्रस्तुत हुनुपर्छ,” उहाँले भन्नुभयो । 

नेपाल विद्यार्थी संघका महामन्त्री कुन्दनराज काफ्लेले वर्तमान नेतृत्वका कारण नेवि संघ कमजोर भएको भन्दै नेवि संघ जोगाउन सबै विद्यार्थी एकजुट हुनुपर्ने बताउनुभयो । 

नेवि संघ पूर्वमहामन्त्री उमेशजंग रायमाझी, नेविसंघका उपाध्यक्ष नवीन राई, डिल्लीराम सुवेदी, नेविसंघ काठमाडौँ अध्यक्ष मनोज वैद्य, नेविसंघका नेता दीपक भट्टराई, युवराज पाण्डेलगायतले नेविसंघको वर्तमान नेतृत्व निर्वाचन नगराउने खेलमा लागेको भन्दै निर्वाचन नगरे कडा आन्दोलन गर्ने बताउनुभयो । 

नेविसंघ प्रदेश नं ३ का संयोजक रामप्रसाद अधिकारीले कोठामा बसेर जथाभावी जिम्मेवारी दिएर नेविसंघ बलियो नहुने भन्दै नेविसंघलाई बलियो बनाउने अभियानअनुसार उक्त कार्यक्रम आयोजना गरिएको जानकारी दिनुभयो । 

कार्यक्रममा विसं २०७५ मंसिर १३ मा उदयपुरमा निर्वाचन प्रचारप्रसारका क्रममा एम्बुसमा परेर गम्भीर घाइते हुनुभएकी मीरा कटुवाललाई नेविसंघ अमेरिका शाखाका अध्यक्ष प्रभातराज कटुवाल र उनका साथीले संकलन गरी पठाएको रु तीन लाख नगद हस्तान्तरण गरिएको थियो । 

सो एम्बुसमा उदयपुर प्रतिनिधिसभाका उम्मेदवार नारायणबहादुर कार्की, सवारी चालक राजन कार्कीलगायत गम्भीर घाइते हुनुभएको थियो ।

 

प्रकाशित मिति: २०७५,जेष्ठ,२१,सोमवार १४:४६

प्रतिक्रिया दिनुहोस !
सम्बन्धित खबरहरु

काठमाडौं । मंसिर ४ गतेका लागि तय भएको संघीय निर्वाचन अघि नेकपा एकीकृत समाजवादी पार्टीले नेकपा माओवादीसँगको एकताको पहल थालेको छ

काठमाडौं । निर्वाचन आयोगले मंसिर ४ गते आइतबार एकै चरणमा सम्पन्न हुने प्रतिनिधि सभा सदस्य तथा प्रदेश सभा सदस्य निर्वाचनका

१. सत्तारुढ पाँच दलीय गठबन्धन कार्यदलको बैठकमा सिट बाँडफाँटबारे छलफल हुँदै, चौथोपटक बसेको बैठकमा सिट संख्या र मापदण्ड सहमतिमै टुंग्याउने

काठमाडौं । राष्ट्रपति विद्यादेवी भण्डारीबाट संदेशसहित फिर्ता आएको नागरिकता विधेयक प्रतिनिधिसभाबाट भोलि(बिहीवार) पारित गर्ने तयारी भएको छ । बिहीवार बस्ने प्रतिनिधिसभाको

ताजा समाचार

बालेन र साम्पाङकाे फेुसबुके रमिता !
 २०७९,भाद्र,१,बुधबार २२:००
वडा कार्यालयको पनि शाखा !
 २०७९,भाद्र,१,बुधबार २१:४५