१२ माघ २०७८, बुधबार

सुन तस्करी र सनम हत्या प्रकरण, पूर्वप्रहरी अधिकारी असन्तुष्ट

२०७५,जेष्ठ,२१,सोमवार ०१:१०

0
Shares

काठमाडौं–सुन तस्करी प्रकरण चर्चामा रहेका बेला नेपाल प्रहरीका पूर्वउच्च अधिकारीहरूले भने जारी अनुसन्धानमा नै शंका गरेका छन् । सुन तस्करी प्रकरणमा मुछिएकाहरू धमाधम पक्राउ पर्ने र आत्मसमर्पण गर्दै अदालतमा पुग्ने क्रम बढेपछि नेपाल प्रहरीका पूर्वउच्च अधिकारीहरूले जारी अनुसन्धानमा नै शंका व्यक्त गरेका हुन् ।उनीहरूले सुन तस्करी र सनम शाक्य हत्या प्रकरणमा अनुसन्धानमा खटिएका प्रहरीलाई समेत गलत नियतले मुद्दा चलाएर फसाउन खोजिएको समेत बताएका छन् ।

नेपाल प्रहरीका पूर्वएआईजी राजेन्द्रसिंह भण्डारी, पूर्वडीआईजीहरू रमेश खरेल र हेमन्त मल्लले आइतबार सञ्चारकर्मीसँगको भेटघाटका क्रममा सुन तस्करी र सनम शाक्य हत्या प्रकरणमा अनुसन्धानमा खटिएका प्रहरीलाई नै फसाउन खोजिएको र जारी अनुसन्धानमा नै शंका उत्पन्न हुन थालेको बताए ।

सनम शाक्यको हत्यापछि अनुसन्धानमा खटिएका एसएसपी दिवेश लोहनी, डीएसपी प्रजित केसी र सई बालकृष्ण सञ्जेललाई फसाइएको उनीहरूले दाबी छ ।

उनीहरूले गृह मन्त्रालयका सहसचिव ईश्वर पोखरेल नेतृत्वको छानबिन समितिमाथि नै प्रश्न उठाउँदै छुट्टै आयोग गठन गरेर वा त्यसभित्रै रहने गरी ‘टाक्स फोर्स’ या संसदीय समिति बनाएर सुन तस्करी र शाक्य हत्याको पुनः छानबिन थालिनुपर्ने माग गरेका छन्, आजको राजधानी दैनिकमा खबर छ ।

पूर्वएआईजी भण्डारीले निष्ठावान् प्रहरी कर्मचारीलाई फसाउने काम भएको भन्दै छानबिनमा त्रुटि रहेको बताए । यस्तै पूर्वडीआईजी मल्लले अनुसन्धान गर्ने प्रहरीलाई नै कारबाही गर्दा प्रहरी संगठनमा दीर्घकालीन असर पर्ने भन्दै एसएसपी लोहनीलाई हतारमा जेल हालिएको बताए । सो घटनाको निष्पक्ष रूपमा अनुसन्धान हुन नसक्दा प्रहरी संगठनलाई नै कमजोर बनाउने उनले बताए ।

पूर्वडीआईजी खरेलले आफू प्रहरीमा रहँदा अनुसन्धानका क्रममा ७ किलो चरेस बोकेर अपराधीसम्म पुगेको भन्दै अनुसन्धानमा लागेकालाई नै जेल हाल्नु गलत भएको बताए ।

उनीहरूले अनुसन्धानमा तानिएका डीएसपी केसी र सई सञ्जेल प्रहरी संगठनभित्रका सक्षम अधिकारी भएकोसमेत दाबी गरे । डीआईजी खरेलले यसअघिका आईजीपी प्रकाश अर्याललाई अनुसन्धानमा अपनाइएको सबै विषय जानकारी रहेको भन्दै सो विषयमा अर्यालले समेत मुख खोल्नुपर्ने बताए ।

प्रकाशित मिति: २०७५,जेष्ठ,२१,सोमवार ०१:१०

प्रतिक्रिया दिनुहोस !
सम्बन्धित खबरहरु

दक्षिण अफ्रिकास्थित एउटा चिडियाखानामा सिंह र बिरालोमा पनि कोभिड देखिएको छ । कोभिड संक्रमित ती दुबै जनवाबरहरुमा पनि मानिसमा जस्तै

धनगढी । भुकली सडक छेउमा टाँगेको सानो त्रिपालभित्र जसोतसो बसिरहेकी छिन् । केही दिनदेखि शीतलहर र हुस्सुसँगै चिसो अत्यधिक रुपमा

काठमाडौं । अहिलेको युग प्रविधिको हो । सामाजिक सञ्जाल बिना मानिसहरुले आफ्नो दैनिकी कल्पनासम्म गर्न सक्दैनन् । फेसबुक म्यासेन्जर एउटा

आपराधिक सत्य घटनामा आधारित नेपालकै पहिलो क्राइम एण्ड इन्भेस्टिगेसन सिरिज, क्राइम फाइल्स यहि आउँदो कात्तिक महिनादेखि कान्तिपुर टेलिभिजनबाट प्रशारण हुने

ताजा समाचार

देवदहमा भेटिएका शवको अझै पहिचान भएन
 २०७८,माघ,१२,बुधबार २०:५९
‘भिजिट भिसा’ दिन मापदण्ड बनाइने
 २०७८,माघ,१२,बुधबार २०:५४