१२ माघ २०७८, बुधबार

साढे ३३ केजी सुन काण्डः फरार अभियुक्त छिरिङद्वारा आत्मसमर्पण

२०७५,जेष्ठ,२०,आईतवार ०७:१९

0
Shares

विराटनगर । साढे ३३ केजी सुन तस्कर र सनम हत्या काण्डका फरार अभियुक्त डा. डेबिट भनिने छिरिङ वाङ्लेल घलेले आत्मसमपर्ण गरेका छन् । उनले जिल्ला अदालत मोरङमा आत्मसमपर्ण गरेका हुन् । 

आइतबार बिहान कानुन व्यवसायीमार्फत उनी मोरङ अदालत पुगेका हुन् । फरार अभियुक्त डेबिट सुन तस्करीको आरोपमा पुर्पक्षका लागि थुनामा रहेका नेता एवं व्यवसायी भुजुङ गुरुङका नातेदार हुन् । 

गत वैशाख १९ गते जिल्ला अदालतले उनलाई ‘आपराधिक समुह स्थापना र सञ्चालन गरी अवैध सुनको कारोबार गरेको, अपहरण तथा शरीर बन्धकका साथै कर्तव्य ज्यान’ मुद्दा दायर गरेको थियो । 
अनुसन्धानका क्रममा उनी मुख्य लगानीकर्तामध्ये एक भएको खुलेको छ । 

सुन तस्करका मुख्य अभियुक्त चुडामणी उप्रेती ‘गोरे’ले दिएको बयानमा डेबिटको संलग्नता रहेको र उनी पनि लगानीकर्ता मध्येका एक भएको बताएका थिए । 

गत माघ ९ गते त्रिभुवन विमानस्थलबाट तस्करी भएको साढे ३३ किलो सुन लुटिएको थियो भने त्यो सुन अहिलेसम्म भेटिएको छैन । 

त्यस्तै सुन लुटेको आशंकामा मोरङ उर्लाबारीका सनम शाक्यको हत्या भएको थियो । 

यसैगरी नेपाल प्रहरीका प्रहरी वरिष्ठ उपरीक्षक (एसएसपी) श्याम खत्रीले गत बिहीबार जिल्ला अदालतमा आत्मसमपर्ण गरेका थिए । खत्रीसहित अन्य ३० जनालाई अदालतले पुर्पक्षका लागि थुनामा राख्न आदेश दिएको थियो । 

जिल्ला न्यायाधीश नारायणप्रसाद शर्माको इजलासमा डेबिडको बयान लिन सुरु भएको छ ।   
 

प्रकाशित मिति: २०७५,जेष्ठ,२०,आईतवार ०७:१९

प्रतिक्रिया दिनुहोस !
सम्बन्धित खबरहरु

दक्षिण अफ्रिकास्थित एउटा चिडियाखानामा सिंह र बिरालोमा पनि कोभिड देखिएको छ । कोभिड संक्रमित ती दुबै जनवाबरहरुमा पनि मानिसमा जस्तै

धनगढी । भुकली सडक छेउमा टाँगेको सानो त्रिपालभित्र जसोतसो बसिरहेकी छिन् । केही दिनदेखि शीतलहर र हुस्सुसँगै चिसो अत्यधिक रुपमा

काठमाडौं । अहिलेको युग प्रविधिको हो । सामाजिक सञ्जाल बिना मानिसहरुले आफ्नो दैनिकी कल्पनासम्म गर्न सक्दैनन् । फेसबुक म्यासेन्जर एउटा

आपराधिक सत्य घटनामा आधारित नेपालकै पहिलो क्राइम एण्ड इन्भेस्टिगेसन सिरिज, क्राइम फाइल्स यहि आउँदो कात्तिक महिनादेखि कान्तिपुर टेलिभिजनबाट प्रशारण हुने

ताजा समाचार

देवदहमा भेटिएका शवको अझै पहिचान भएन
 २०७८,माघ,१२,बुधबार २०:५९
‘भिजिट भिसा’ दिन मापदण्ड बनाइने
 २०७८,माघ,१२,बुधबार २०:५४