९ माघ २०७८, आईतवार

गल्ती गरे ट्राफिक घरमै आउने !

२०७५,जेष्ठ,१८,शुक्रवार १०:२६

9
Shares

काठमाडौँका अनगिन्ती समस्याहरुमध्ये मुख्य समस्या हो : ट्राफिक ।

सुन्दा नरमाईलो लाग्छ तर यही वर्ष मात्र सवारी साधन दुर्घटनाका कारण राजधानीमा १४९ जनाको मृत्यू भइसकेको छ । 

सडकमा बढेको मनपरीतन्त्र, अनियमितता र नियमहरुको कार्यान्वयनको कमीले गर्दा प्रत्येक दिन सडकले कैयौँ मानिसको ज्यान लिन्छ भने कति जनालाई अस्पतालको शैयाँसम्म पुर्याउँछ । कतिको घरबार उजाड्छ भने कतिलाई महलबाट फूटपाथसम्म झार्छ । 

लेन अनुशासन उल्लङ्घनका कारण मात्रै चालु आर्थिक वर्ष २०७४-७५ मा ३८,८१४ जना कारवाहीमा परिसकेका छन् भने मा.प.से, ट्याक्सी, जेबा्रक्रसिङ्ग, हर्न का कारण क्रमश २६,१९७, ६,६८०, ७,३९७ र १३,०१९ जना कारवाहीमा परिसकेको प्रहरीले बताएको छ ।

हिट एण्ड रन केस त झन् ‘कमन’ भइसकेको छ । कति सजिलो छ बाटोमा हिँडिरहेको मान्छेलाई ठक्कर दिन र आफ्नो गल्ती लुकाउनलाई त्यहाँबाट सुटुक्क भाग्न ! चालु आर्थिक वर्ष ०७४-७५ मा मात्रै ५२२ वटा हिट एण्ड रन केस प्रहरी कार्यलयमा दर्ता भएको छ । यस्तो केस बढेसँगै पीडकले झन प्रोत्साहन पाउने गरेका छन् भने पीडितले सास्ती । 

मिटर सिस्टममा नरही मनपरी ट्याक्सी भाँडा असुल्नु, भर्खरै पाटपूर्जा फुस्किन्छ जस्तै देखिने थोत्रा गाडी र टेम्पोहरुमा खचाखच मान्छे अनि त्यसबाट निस्कने हानिकारक धुवाँ, ट्राफिक लाईटको कमीले बाटो काट्दा आइपर्ने समस्या, फुटपाथ र सडक च्यापेर लावालस्कर खोलिएका पसल । यी सब हामीले दिनदिनै झेलिरहेका समस्या हुन् । ‘फुटपाथ’ पनि फुटकै लागि बनेको पाथ हो कि ‘ह्वीलपाथ’ हो चिन्न गाह्रो छ । 

मिटर सिस्टममा नरही मनपरी ट्याक्सी भाँडा असुल्नु, भर्खरै पाटपूर्जा फुस्किन्छ जस्तै देखिने थोत्रा गाडी र टेम्पोहरुमा खचाखच मान्छे अनि त्यसबाट निस्कने हानिकारक धुवाँ, ट्राफिक लाईटको कमीले बाटो काट्दा आइपर्ने समस्या, फुटपाथ र सडक च्यापेर लावालस्कर खोलिएका पसल । यी सब हामीले दिनदिनै झेलिरहेका समस्या हुन् । ‘फुटपाथ’ पनि फुटकै लागि बनेको पाथ हो कि ‘ह्वीलपाथ’ हो चिन्न गाह्रो छ । 

यस्ता घटनाहरु फेरि नदोहोरियोस् भनेर ट्राफिक प्रहरीले यही जेठ १६ बाट विशेष कार्यक्रम सञ्चालन गरेको छ । 

जसअन्तर्गत लेन अनुशासन कायम, आकाशे पुल र जेब्रा क्रसिङ्गको प्रयोग, ट्याक्सीमा मिटर सिस्टम कार्यन्वयन, सडक तथा फुटपाथ व्यवस्थापन, बस स्टपमा पिक एण्ड ड्रप व्यवस्थापन आदिका लागि प्रहरीले आफ्नो १०० जना जवान खटाईसकेको छ ।

दुर्घटना गरी फरार हुने र विभिन्न सवारी नियम उल्लङ्घन गर्ने सवारी साधनलाई सिसिटभी वा सर्भिलियन्स भेइकल मार्फत् निगरानी गर्ने र ऊ भागेमा उसलाई पहिचान गरेर घरमै गई कारवाही गर्ने प्रतिबद्धता प्रहरीले जनाएको छ ।

दुर्घटना गरी फरार हुने र विभिन्न सवारीना नियम उल्लङ्घन गर्ने सवारी साधनलाई सिसिटभी वा सर्भिलियन्स भेइकल मार्फत् निगरानी गर्ने र ऊ भागेमा उसलाई पहिचान गरेर घरमै गई कारवाही गर्ने प्रतिबद्धता प्रहरीले जनाएको छ ।

दुई चक्के सवारी साधन प्राय दुर्घटनाको मुख्य कारण हुने भएकाले यसको व्यवस्थापन साथै असामान्य आवाज निकाल्ने मोडिफाई गरेका बुलेटजस्ता बाईक माथि पनि प्रहरीले एक्सन लिने बताए ।

प्रहरीले सशक्तरुपमा नियम पालनामा जोड दिएर चाँडै सडक दुर्घटना न्यूनीकरण गर्ने र समयमै यात्रुहरुले गन्तव्यसम्म पुग्न पाउने वातावरण सिर्जना गर्ने कुरामा विशेष जोड दिने बताएका छन् ।  

आफ्ना योजनाहरुलाई कार्यान्वयन गर्ने क्रममा महानगरीय ट्राफिक प्रहरीले आज पत्रकार सम्मेलन गरेर यसरी यात्रुहरुले देख्ने ठाउँमा ट्याक्सीको ‘नम्बर स्टिकर’ टाँसेका छन् । यसो गर्नाले यात्रुहरुले आफ्नो सामान ट्याक्सीमै छुटेमा वा केही समस्या आइपरेमा प्रहरीलाई खबर गर्न सक्छन् भनेर प्रहरीले बताए । 
 

प्रकाशित मिति: २०७५,जेष्ठ,१८,शुक्रवार १०:२६

प्रतिक्रिया दिनुहोस !
सम्बन्धित खबरहरु

दक्षिण अफ्रिकास्थित एउटा चिडियाखानामा सिंह र बिरालोमा पनि कोभिड देखिएको छ । कोभिड संक्रमित ती दुबै जनवाबरहरुमा पनि मानिसमा जस्तै

धनगढी । भुकली सडक छेउमा टाँगेको सानो त्रिपालभित्र जसोतसो बसिरहेकी छिन् । केही दिनदेखि शीतलहर र हुस्सुसँगै चिसो अत्यधिक रुपमा

काठमाडौं । अहिलेको युग प्रविधिको हो । सामाजिक सञ्जाल बिना मानिसहरुले आफ्नो दैनिकी कल्पनासम्म गर्न सक्दैनन् । फेसबुक म्यासेन्जर एउटा

आपराधिक सत्य घटनामा आधारित नेपालकै पहिलो क्राइम एण्ड इन्भेस्टिगेसन सिरिज, क्राइम फाइल्स यहि आउँदो कात्तिक महिनादेखि कान्तिपुर टेलिभिजनबाट प्रशारण हुने

ताजा समाचार

भारतबाट हुने आवतजावतमा रोक लगाइयो
 २०७८,माघ,९,आईतवार २०:२४