काठमाडौं । नेपाली कांग्रेसका सभापतिमा दोस्रो कार्यकालका लागि शेरबहादुर देउवा निर्वाचित भएसँगै यतिबेला बधाई दिनेको ओइरो लागेको छ । प्रत्यक्ष भेटेर होस् या सामाजिक सञ्जालमा देशविदेशबाट बधाई आइरहेको छ ।
यसैक्रममा देउवासँगै पहिलो चरणमा प्रतिस्पर्धा गरेको नेता प्रकाशमान सिंहले सामाजिक सञ्जालममार्फत देउवालाई बधाई दिएका छन् ।
मंगलबार भएको कांग्रेसको दोस्रो चरणको निर्वाचनका क्रममा देउवालाई समर्थन गरेको भन्दै नेता सिंहको चौतर्फी आलोचना भइरहेको छ । सोमबार पहिलोचरणको निर्वाचनको क्रममा सिंहले दोस्रो चरणको निर्वाचनमा देउवालाई पराजित गर्ने बताएका थिए ।
तर दोस्रो चरणको निर्वाचनको मत परिणाम आएसँगै देउवालाई साथ दिएर अघि बढेका थिए । आलोचना हुने डरले नेता सिंहले कमेन्ट गर्न नमिल्ने बनाएका छन् ।
यो खबर पढेर तपाईलाई कस्तो महसुस भयो ?
प्रतिक्रिया