१० जेष्ठ २०७९, मंगलवार

गुफाभित्र पाहुनाघर सञ्चालन

२०७८,मङ्सिर,२८,मंगलवार १६:४९

108
Shares

म्याग्दी । मुस्ताङको लोमान्थाङ गाउँपालिका–२ छोसेरमा गुफाभित्र गेष्ट हाउस (पाहुनाघर) सञ्चालन भएको छ । छोसेरका पेमा घिर्मी गुरुङले सेल्ता गुफाभित्र पर्यटक बासबस्न मिल्ने पाहुनाघर सञ्चालन गरेका हुन् । सेल्कार नामाकरण गरिएको सो पाहुना घरमा चार वटा कोठा छन् । एक कोठामा छ र तीन वटा कोठामा दुई/दुई वटा बेड भएको पाहुनाघरमा एक दिनमा १२ जना बास बस्न सक्छन् ।

बाबुबाजेको पालादेखि प्रयोग गर्दै आएको गुफालाई मर्मत सम्भार गरेर पर्यटक लक्षित पाहुनाघर सञ्चालन गरेको उनले बताए । पहाडको बिचमा रहेको गुफासम्म पुग्ने रेलिङसहितको पदमार्ग, दुई वटा प्रवेशद्वार बनाएका छन् । गुफाभित्रको कोठामा बत्ती र पानीको व्यवस्था मिलाएको उनले जानकारी दिए ।

झ्यालमा पुराना ऐतिहासिक भाडावर्तनका सामग्री राखिएका छन् । गुरुङको गुफाको गेष्ट हाउस बाहेक साधारण आठजना क्षमताको गेष्ट हाउस पनि छ । गुफाभित्र र बाहिर पाहुनाको रुची अनुसार बास बस्न पाउँछन् । बाहिर खाना खाएर सुत्नका लागि गुफाको पाहुना घरमा जाने ब्यवस्था मिलाइएको छ ।

गुफा गुरुङको व्यक्तिगत जग्गामा पर्छ । गुफाभित्र बास बसेको प्रतिकोठाको तीन हजारदेखि सात हजार रुपैयाँ शुल्क कायम गरेका छन् । ‘उपल्लो मुस्ताङ र कोरला नाका घुम्न आउने पर्यटकलाई आकर्षित गर्न गुफामा पाहुनाघर चलाएको हो,’ उनले भने, ‘धेरै पाहुनाले अनौठो मानेर बस्न आउनुहुन्छ ।’

जोमसोम–कोरला सडकको छोसेरबाट पूर्वतर्फ २० मिनेट पैदलयात्रा गरेपछि पाहुनाघरमा पुग्न सकिन्छ । गुफामा बास बसेर फर्किएका म्याग्दीका सन्दिप सुवेदीले अनौठो र रमाइलो अनुभव गरेको जानकारी दिए ।

उपल्लो मुस्ताङका गुफाको इतिहास मानव सभ्यताको विकाससँग जोडिएको छ । परापूर्वकालमा उपल्लो मुस्ताङका बासिन्दा गुफामा बस्दथे । बसोबासका लागि पहाड खोपेर गुफा बनाएका थिए । चेतनाको विकास र परिवार संख्या वृद्धिसँगै घर बनाएर बस्न थालेका हुन् ।

गेष्ट हाउस सञ्चालन भएको सेल्ता गुफा भन्दा केहीमाथि पाँच तला र १ सय ४४ वटा कोठा भएको झोङ गुफा छ । तिब्बतीहरुको आक्रमणबाट बच्नका लागि छोसेरका बासिन्दा झोङ गुफामा गएर बसेको स्थानीय बुढापाकाको भनाइ छ ।

प्रकाशित मिति: २०७८,मङ्सिर,२८,मंगलवार १६:४९

प्रतिक्रिया दिनुहोस !
सम्बन्धित खबरहरु

काठमाडौं । सेञ्चुरी कमर्सियल बैंक लिमिटेडले वैशाख २१ गतेदेखि जेठ ४ गतेसम्मे बिक्री गरेको ऋणपत्र आज बाँडफाँट भएको छ ।

काठमाडौं । सरकारले शिक्षक दरबन्दीमा पुनरावलोकन गर्ने भएको छ । राष्ट्रपति विद्यादेवी भण्डारीले मंगलबार सरकारको आगामी वर्षको नीति तथा कार्यक्रम

काठमाडौं । सरकारले आगामी आर्थिक वर्षमा किशोरीहरुलाई पाठेघरको मुखको क्यान्सरविरुद्धको खोप दिने घोषणा गरेको छ । सरकारले आर्थिक वर्ष २०७९/०८०

काठमाडौं । सरकारले आगामी आर्थिक वर्षमा प्रत्येक प्रदेशमा कम्तिमा २ मेडिकल कलेज प्रतिष्ठान स्थापना गर्ने भएको छ । सरकारले सार्वजनिक

ताजा समाचार

सेञ्चुरी बैंकको ऋणपत्र बाँडफाँट
 २०७९,जेष्ठ,१०,मंगलवार १८:२४
कीर्तिपुरमा १४ वर्षीया बालिका बलात्कृत
 २०७९,जेष्ठ,१०,मंगलवार १८:०१