९ माघ २०७८, आईतवार

तीन महिनादेखि कैदीबन्दीको नगद सिदा बन्द

२०७५,जेष्ठ,१६,बुधबार १४:२८

0
Shares

दाङ- यहाँका कारागारमा रहेका कैदीबन्दीलाई दिइँदै आइएको नगद सिदा विगत तीन महिनादेखि रोकिएको छ ।

सरकारले प्रतिकैदीबन्दीका लागि दैनिक रु ४५ उपलब्ध गराउँदै आएको छ । तर गत फागुन महिनादेखि कैदीबन्दीलाई नगद सिदा प्राप्त हुन नसक्दा समस्या भएको बताइएको छ । चामलबाहेक अन्य खानपिनको वस्तु खरिदका लागि सरकारले दिने दैनिक रु ४५ प्राप्त नभएपछि कैदीबन्दीको दैनिकी कष्टकर बनेको छ ।

प्रतिव्यक्ति ७०० ग्राम चामल भने खाद्य संस्थान अञ्चल कार्यालयबाट उधारोमा ल्याइने गरिएको कारागार शाखा तुलसीपुरका निमित्त जेलर गीता अधिकारीले बताउनुभयो । बिहान बेलुकीको खानपिनका लागि आवश्यक पर्ने तेल, नून, तरकारी, मरमसला खरिदका लागि ४५ रुपैयाँ तीन महिनासम्म प्राप्त हुन नसक्दा समस्या भएको उहाँले बताउनुभयो । “चामलबाहेक केही प्राप्त भएको छैन, रकम प्राप्त नहुँदा चामलबाहेक अन्य वस्तु उधारोमा काम चलाउनुपरेको छ,” उहाँले भन्नुभयो । 

बजेट नआएपछि आफूहरुले गृह मन्त्रालयमार्फत नगद सिदा रकम अर्थमन्त्रालयमा अनुरोध गरी पठाइएको बताउनुभयो । उहाँले कैदीबन्दीका लागि दिइँदै आइएको नगद सिदा अब केही दिनमा आउने आशा पनि व्यक्त गर्नुभयो । 

अन्य जिल्लाबाट स्थानान्तरण गरिएकाले पनि अहिले ३३८ जना कैदीबन्दी पुगेको छ । नयाँ कारागार भवन बनेपछि अन्य स्थानबाट पनि कैदीबन्दीलाई स्थानान्तरण गरिएकाले पनि समस्या खडा भएको बताइन्छ । दाङमा रहेका दुई कारगारमा घोराही र तुलसीपुरमा एक÷एक वटा छन् । तुलसीपुरमा दुई वटा भवन छन् जसका कारण कैदीबन्दीको संख्या पनि धेरै छ । यता, घोराही कारागारले भने गत वर्ष त्यस्तो समस्या भए पनि हाल नभएको बताएको छ । घोराही कारागारका जेलर काशीराम वलीले घोराहीमा त्यस्तो समस्या नभएको र तुलसीपुरमा यस वर्ष समस्या आएको बताउनुभयो ।

पुरानो कारागार भवनमा १९९ जना कैदी राखिँदै आइएकामा साउन महिनादेखि कारागार शाखा तुलसीपुरस्थित नयाँ भवनमा सारिएपछि रकम वितरणमा समस्या भएको कारागार शाखा तुलसीपुरले जनाएको छ । अन्य जिल्लाबाट स्थानान्तरण गरिएकाले पनि अहिले ३३८ जना कैदीबन्दी पुगेको छ । नयाँ कारागार भवन बनेपछि अन्य स्थानबाट पनि कैदीबन्दीलाई स्थानान्तरण गरिएकाले पनि समस्या खडा भएको बताइन्छ ।

दाङमा रहेका दुई कारगारमा घोराही र तुलसीपुरमा एक÷एक वटा छन् । तुलसीपुरमा दुई वटा भवन छन् जसका कारण कैदीबन्दीको संख्या पनि धेरै छ । यता, घोराही कारागारले भने गत वर्ष त्यस्तो समस्या भए पनि हाल नभएको बताएको छ । घोराही कारागारका जेलर काशीराम वलीले घोराहीमा त्यस्तो समस्या नभएको र तुलसीपुरमा यस वर्ष समस्या आएको बताउनुभयो । उहाँका अनुसार घोराहीमा क्षमताभन्दा पाँच गुणा बढी कैदीबन्दी रहेकाले व्यवस्थापन गर्न समस्या भएको हो । पचास जना क्षमता भएको कारागारमा हाल २४० जना कैदीबन्दी रहेको उहाँको भनाइ छ । कैदीबन्दीलाई पाल टाँगेर भएपनि व्यवस्थापन गर्ने गरिएको वलीको भनाइ छ ।

“जिल्ला अदालत पनि यही छ, पुर्पक्षका लागि थुनामा यहीँ राख्नुपर्ने समस्याले गर्दा पनि संख्या बढेको हो, जेनतेन मिलाएर बसाएका छौँ,” उहाँले भन्नुभयो । 

 

प्रकाशित मिति: २०७५,जेष्ठ,१६,बुधबार १४:२८

प्रतिक्रिया दिनुहोस !
सम्बन्धित खबरहरु

दक्षिण अफ्रिकास्थित एउटा चिडियाखानामा सिंह र बिरालोमा पनि कोभिड देखिएको छ । कोभिड संक्रमित ती दुबै जनवाबरहरुमा पनि मानिसमा जस्तै

धनगढी । भुकली सडक छेउमा टाँगेको सानो त्रिपालभित्र जसोतसो बसिरहेकी छिन् । केही दिनदेखि शीतलहर र हुस्सुसँगै चिसो अत्यधिक रुपमा

काठमाडौं । अहिलेको युग प्रविधिको हो । सामाजिक सञ्जाल बिना मानिसहरुले आफ्नो दैनिकी कल्पनासम्म गर्न सक्दैनन् । फेसबुक म्यासेन्जर एउटा

आपराधिक सत्य घटनामा आधारित नेपालकै पहिलो क्राइम एण्ड इन्भेस्टिगेसन सिरिज, क्राइम फाइल्स यहि आउँदो कात्तिक महिनादेखि कान्तिपुर टेलिभिजनबाट प्रशारण हुने

ताजा समाचार

भारतबाट हुने आवतजावतमा रोक लगाइयो
 २०७८,माघ,९,आईतवार २०:२४