१ भाद्र २०७९, बुधबार

संशोधन मस्यौदा समिति गठन

२०७५,जेष्ठ,१६,बुधबार १३:०५

0
Shares

प्रदेश नं ५ को प्रदेशसभा नियमावली, २०७४ संशोधन गर्न संशोधन मस्यौदा समिति गठन भएको छ ।

प्रदेश नं ५ को  प्रदेशसभा सदस्यको बैठकमा आज सभामुख पूर्णबहादुर घर्तीले संशोधन गरियोस् भन्ने प्रस्ताव निर्णयार्थ प्रस्तुत गर्नुहुँदा सर्वसम्मतिले स्वीकृत भएको छ । प्रदेशसभा सदस्य कृष्णध्वज खड्काले प्रदेशसभा नियमावली, २०७४ संशोधनका लागि प्रदेशसभासमक्ष प्रस्ताव प्रस्तुत गर्नुभएको थियो । सो संशोधन मस्यौदा समितिमा हरि रिजाल, चेतनारायण आचार्य, दामा शर्मा, सन्तोष पाण्डे र अष्टभुजा पाठक रहनुभएको छ ।

यस्तै प्रदेशसभा नियमावली २०७४ को नियम १०८ बमोजिम प्रदेश नं ५ प्रदेशसभा सचिवालय सम्बन्धमा व्यवस्था गर्न बनेको विधेयकमाथि विचार गरियोस् भन्ने प्रस्तावमाथिको सैद्धान्तिक छलफलमा उठेका प्रश्नको जवाफ दिँदै मुख्यमन्त्री शंकर पोखरेलले जनताप्रति उत्तरदायी हुने प्रदेशसभालाई जवाफदेही बनाउने विषय सबैको चासोको विषय भएको उल्लेख गर्दै दाङमा भएको झाडापखालामा सम्पूर्ण जनशक्ति परिचालन भएको बताउनुभयो ।

प्रदेशसभा नियमावली २०७४ को नियम १०८ बमोजिम प्रदेश नं ५ प्रदेशसभा सचिवालय सम्बन्धमा व्यवस्था गर्न बनेको विधेयकमाथि प्रदेशसभा सदस्य अमरबहादुर डाँगी, सन्तोष पाण्डे, उत्तरकुमार ओली, दिनेश पन्थीलगायतले विधेयकलाई आलोचनात्मक समर्थन गर्नुभएको थियो ।

उहाँले भन्नुभयो, “त्यहाँको पानीको मुहान प्रदूषित भएको विषयलाई प्रदेश सरकारको भौतिक पूर्वाधार तथा विकास मन्त्रालयले पनि अध्ययन गरिरहेको छ ।”

प्रदेशसभा नियमावली २०७४ को नियम १०८ बमोजिम प्रदेश नं ५ प्रदेशसभा सचिवालय सम्बन्धमा व्यवस्था गर्न बनेको विधेयकमाथि प्रदेशसभा सदस्य अमरबहादुर डाँगी, सन्तोष पाण्डे, उत्तरकुमार ओली, दिनेश पन्थीलगायतले विधेयकलाई आलोचनात्मक समर्थन गर्नुभएको थियो ।

त्यस्तै, कार्यव्यवस्था परामर्श समितिमा पनि सभामुख पूर्णबहादुर घर्तीले हेरफेर गर्नुभएको छ । प्रदेशसभा सदस्य वीरबहादुर रानालाई हटाएर सुरेन्द्र हमाललाई चयन गर्नुभएको छ । 

संसदीय दलको नेतामा पोखरेल

प्रदेश नं  ५ को नेपाल कम्युनिस्ट पार्टीको संसदीय दलको नेतामा पार्टीका स्थायी कमिटी सदस्य शंकर पोखरेल चयन हुनुभएको छ ।

पार्टी एकतापछि आज पहिलो पटक बसेको संसदीय दलको बैठकले उहाँलाई सर्वसम्मतिले संसदीय दलको नेतामा चयन गरेको हो । पार्टीका नेता कृष्णध्वज खड्का प्रस्तावक र कमल श्रेष्ठ सर्मथक हुनुहुन्थ्यो ।

 

प्रकाशित मिति: २०७५,जेष्ठ,१६,बुधबार १३:०५

प्रतिक्रिया दिनुहोस !
सम्बन्धित खबरहरु

काठमाडौं । ‘जस्ले जे भनोस् तर म काठमाण्डौँ नगएको भए फोहोर उठ्ने थिएन रैछ ! कम्से कम काम त शुरु

लमजुङ । जिल्ला प्रहरी कार्यालय लमजुङले चोरी मुद्दाका फरार एक अभियुक्तलाई पक्राउ गरेको छ । प्रहरीले चोरी मुद्दामा  फरार रहेका

सुर्खेत । जिल्लाको कालिमाटी गाउपालिका वडा नम्बर- ७ घुईयाबारी बाट पाटे बाघ नियन्त्रण मा लिइएको छ । बर्दिया राष्ट्रिय निकुञ्जको

काठमाडौं । काठमाडौं उपत्यका ट्राफिक प्रहरी कार्यालयले गर्दै आईरहेको बिशेष चेकिङ अभियान अन्तर्गत आज ५१ जना विद्यार्थीहरु कारवाहीमा परेका छन्

ताजा समाचार

बालेन र साम्पाङकाे फेुसबुके रमिता !
 २०७९,भाद्र,१,बुधबार २२:००
वडा कार्यालयको पनि शाखा !
 २०७९,भाद्र,१,बुधबार २१:४५