काठमाडौं । भारतीय सुपरस्टार रजनीकान्त एक यस्ता अभिनेता हुन् जसले आफ्नो अभिनयले साउथमा मात्र नभई बलिउडमा समेत आफ्नो क्षमता प्रमाणित गरेका छन् ।
आज रजनीकान्त आफ्नो ७२औँ जन्मदिन मनाइरहेका छन् । आज पनि युवाहरुमाझ उनको क्रेज उत्तिकै देखिएको छ ।
रजनीकान्तले पनि युवा कलाकारलाई आफ्नो एक्शनले प्रतिस्पर्धा गराउँछन् । दक्षिण भारत मात्रै नभएर भारतदेखि लिएर विश्वभर सुपरस्टार रजनीकान्तका फ्यानहरु छन् । फ्यानहरू सधैँ रजनीकान्तको हरेक फिल्म हेर्न उत्सुक हुन्छन् र रिलिज हुनेबित्तिकै फिल्महल पुग्छन् ।
सुपरस्टार रजनीकान्तलाई सबैभन्दा धेरै कमाउने सुपरस्टारमा गनिन्छ ।
रजनीकान्त विलासी घरमा बस्छन् । रजनीकान्तको चेन्नईमा धेरै सुन्दर घर छ। यस घरमा सबै सुविधाहरू छन्। यो घर धेरै लक्जरी छ। रजनीकान्तले यस घरलाई धेरै महँगो एन्टिक चिजहरूले सजाएका छन् । रजनीकान्तले सन् २००२ मा घर बनाएका थिए ।
३६५ करोडका मालिक हुन् रजनीकान्त :
एक रिपोर्टका अनुसार रजनीकान्तले एउटा फिल्मका लागि ५० करोडसम्म शुल्क लिने गर्छन् । यदि फिल्म फ्लप भयो भने उनले आफ्नो पारिश्रमिक निर्मातालाई फिर्ता गर्ने भन्ने चर्चा पनि रहेको छ ।
रजनीकान्तले परोपकारमा पनि धेरै पैसा खर्च गर्छन् । रिपोर्टका अनुसार रजनी कान्तसँग ३६५ करोड नेटवर्थ छ । रजनीकान्त ती स्टारमध्ये एक हुन् जसले आफ्नो करियरका लागि धेरै संघर्ष गरेका छन् ।
एक समय थियो, जब रजनीकान्तले आफ्नो प्रारम्भिक फिल्म करियर मात्र दुई हजार रुपैयाँबाट सुरु गरेका थिए ।
रजनीकान्तका गाडी :
गाडीको कुरा गर्ने हो भने बलिउडका धेरैजसो स्टारहरूसँग लक्जरी गाडीहरु छन्, तर रजनीकान्तलाई लक्जरी कारहरू मन पर्दैनन्। उनीसँग जम्मा तीनवटा गाडी छन् । उनका यी तीन गाडी इनोभा, रेन्ज रोभर र बेन्टले हुन् ।
रजनीकान्तको फिल्म करियर :
रजनीकान्तको फिल्मी करियरको कुरा गर्दा उनले आफ्नो करियर १९७५ मा तमिल फिल्मबाट सुरु गरेका थिए। त्यसपछि उनले तेलुगु र कन्नड फिल्ममा पनि अभिनय गरे ।
उनले सन् १९८२ मा फिल्म अन्धा कानूनबाट बलिउडमा डेब्यू गरेका थिए । यस फिल्ममा उनीसँगै सुपरस्टार अमिताभ बच्चन पनि थिए । यसपछि रजनीकान्त एकपछि अर्को सफलताको सिँढी चढ्दै गए ।
यो खबर पढेर तपाईलाई कस्तो महसुस भयो ?
प्रतिक्रिया