१ भाद्र २०७९, बुधबार

प्रदेश सातका मुख्यमन्त्री भट्टको सम्पत्ति १ तोला सुन, एउटा गाई, व्यक्तिगत ऋण २ लाख !

२०७५,जेष्ठ,१५,मंगलवार ०८:३१

0
Shares

काठमाडौं । प्रदेश सातका मुख्यमन्त्रीसहित मन्त्रीहरुको सम्पत्ति विवरण सार्वजनिक भएको छ ।

तत्कालीन एमाओवादीबाट मुख्यमन्त्री बनेका प्रदेश ७ का मुख्यमन्त्री त्रिलोचन भट्टले मंगलवार प्रधानमन्त्री तथा मन्त्रीपरिषदको कार्यालयमा बुझाएको सम्पत्ति विवरणमा मुख्यमन्त्री भट्टले सार्वजनिक गरेको विवरणमा आफ्ना दाजु शालिग्राम भट्टको नाममा एउटा घर र अठार रोपनी जग्गा, त्यस्तै पत्नी दुर्का देवि भट्टका नाममा डोटीको केआईसिंह – ६ मा साढे दुई रोपनी जग्गा देखाइएको छ ।

त्यस्तै संयुक्त रुपमा रहेको सम्पत्ति विवरणअन्तर्गत बैंक मौज्दातमा ७० हजार रुपैयाँ र एक तोला सुन र पन्ध्र तोला चाँदी, त्यस्तै एउटा गाई, एउटा मोबाइल र हाते घडी र वित्तिय ऋण १ लाख ४० हजार र व्यक्तिगत ऋण २ लाख रुपैयाँ देखाइएको छ ।

उनी तत्कालीन माओवादी केन्द्रबाट सात नम्बर प्रदेश सभामा सहभागी १४ सांसदमध्ये सिनियर रहेको भन्दै माओवादीका तर्फबाट मुख्यमन्त्रीका लागि सिफारिस भएका थिए ।

त्यस्तै आन्तरिक मामिला तथा कानून मन्त्रालयका मन्त्री प्रकाशबहादुर शाहले पनि आफ्नो परिवारका सदस्यका नाममा सम्पत्ति विवरण सार्वजनिक गरेका छन् । उनले पत्नीका नाममा देखाएको सम्पत्तिमा काठमाडौंको गोठाटारमा एउटा घर, कैलालीमा ६ कट्ठा ८ धुर जग्गा, कञ्चनपुरमा १६९३.१५ वर्गमिटर जग्गा रहेको छ भने दाइ डम्मर बहादुर शाहका नाममा बाजुराको बूढीगंगामा एउटा घर देखाइएको छ ।

त्यस्तै बैंक मौज्दातमा ७३ हजार रुपैयाँ, ५२ तोला सुन, ५०५ तोला चाँदी, १७१० कित्ता शेयर, १ भैंसी, १ बाख्रा देखाएका छन् भने ७ लाख २० हजार वित्तिय ऋण देखाइएको छ ।

यस्तै सामाजिक विकास मन्त्रालयका मन्त्री दीर्घ बहादुर सोडारीले ५ लाख ६० हजार बैंक मौज्दात देखाएका छन् । उनले देखाएको सम्पत्तिमा ६ तोला सुन र २० तोला चाँदी पनि छ । उनले १० बाख्रा र २ गोरुलाई पनि सम्पत्ति विवरणमा देखाएका छन् । साथै व्यक्तिगत ऋण १ लाख भएको विवरणमा उल्लेख छ । साथै उनका पीता लोकबहादुर सोडारीका नाममा कैलालीमा १५ कट्ठा जग्गा र एउटा घर, अछामको मंगलसेनमा ४ रोपनी जग्गा र १ घर, त्यस्तै पत्नीका नामा कैलालीका दुई स्थानमा १२ धुर र ५ कट्ठा जग्गा देखाइएको छ ।

केही दिनअघि केन्द्रीय कार्यालयकf मन्त्रीहरुले पनि सम्पत्ति विवरण सार्वजनिक गरेका थिए ।
 

प्रकाशित मिति: २०७५,जेष्ठ,१५,मंगलवार ०८:३१

प्रतिक्रिया दिनुहोस !
सम्बन्धित खबरहरु

काठमाडौं । मंसिर ४ गतेका लागि तय भएको संघीय निर्वाचन अघि नेकपा एकीकृत समाजवादी पार्टीले नेकपा माओवादीसँगको एकताको पहल थालेको छ

काठमाडौं । निर्वाचन आयोगले मंसिर ४ गते आइतबार एकै चरणमा सम्पन्न हुने प्रतिनिधि सभा सदस्य तथा प्रदेश सभा सदस्य निर्वाचनका

१. सत्तारुढ पाँच दलीय गठबन्धन कार्यदलको बैठकमा सिट बाँडफाँटबारे छलफल हुँदै, चौथोपटक बसेको बैठकमा सिट संख्या र मापदण्ड सहमतिमै टुंग्याउने

काठमाडौं । राष्ट्रपति विद्यादेवी भण्डारीबाट संदेशसहित फिर्ता आएको नागरिकता विधेयक प्रतिनिधिसभाबाट भोलि(बिहीवार) पारित गर्ने तयारी भएको छ । बिहीवार बस्ने प्रतिनिधिसभाको

ताजा समाचार

बालेन र साम्पाङकाे फेुसबुके रमिता !
 २०७९,भाद्र,१,बुधबार २२:००
वडा कार्यालयको पनि शाखा !
 २०७९,भाद्र,१,बुधबार २१:४५