९ माघ २०७८, आईतवार

लन्डनका पेटी गायक क्यासलेस प्रणालीमा

२०७५,जेष्ठ,१४,सोमवार ०२:१४

0
Shares

एजेन्सी: लन्डनका सडक पेटी वा अन्य स्थानमा संगीत गाएर चन्दा संकलन गर्नेहरूलाई दानपात्रमा नगद दिने कामलाई समाप्त पारी नगदहीन वा क्यासलेस प्रणालीमा लगिएको छ ।

यसरी स्वेच्छिकरूपमा दान दिनेहरूले कार्डको माध्यमबाट ठेकानहीन भुक्तानी गर्नेछन् । यो विश्वमै पहिलो व्यवस्था लन्डनमा  भएको छ । यो कार्य स्विडेनको प्रविधि कम्पनी आइजेटलसँग साझेदारी गरि गरिएको छ । यो आइजेटललाई अमेरिकाको भुक्तानी कम्पनी पेपलले यो महिना खरिद गरेको थियो ।

लन्डनका मेयर सदिक खानले भने “बढी भन्दा बढी लन्डनवासीहरूले सडकमा प्रतिभा देखाउने राजधानीका यस्ता कलाकारहरूलाई सहयोग गर्न सजिलो हुनेछ ।”

हामीले यसको सफल परीक्षण गरेपछि यो योजनालाई सार्वजनिक गरेको उनले जनाए । सडकपेटीमा गीत संगीतको पूर्णकालीन कलाकार चारलोट क्याम्पबेलले यसको परीक्षण गर्न सघाएकी थिइन् । दुई सातामा यसबाट ठूलो योगदान भएको पाइएको छ ।

कार्ड रिडरहरू स्मार्टफोन वा अन्य डिभाइसमा जडान गरिएको हुन्छ । यसले निश्चित रकम दान दिन सहयोग गर्छ । म गाउन थालेपछि बढी भन्दा बढी मानिसले दान दिएको पाएको क्याम्पबेलले बताइन् ।सडकपेटीमा गाउने कलाकारहरूलाई बस्कर भनिन्छ ।

उनीहरूको संगठन बस्कले आइजेटलसँग मिलेर यो स्किम तयार गरेको हो ।कार्ड रिडरको प्रयोग गरी अनलाइन भुक्तानी सानातिना व्यापारी र दानदाता माझ धेरै लोकप्रिय भइरहेको छ ।

यो महिनाको शुरूमा पेपलले आइजेटललाई २.२ अर्ब अमेरिकी डलरमा किन्ने घोषणा गरेको थियो । स्टकहममा सन् २०१०मा स्थापना भएको आइजेटल डेबिट र क्रेडिट कार्ड रिडर बिक्री गर्न शुरू गरेको थियो । यो कार्ड रिडरको विस्तार इ–कमर्सका प्लेटफर्महरूमा भइरहेको छ ।

प्रकाशित मिति: २०७५,जेष्ठ,१४,सोमवार ०२:१४

प्रतिक्रिया दिनुहोस !
सम्बन्धित खबरहरु

कोरोनाभाइरसको ओमिक्रोन भेरिएन्ट नियन्त्रणका लागि सरकारद्वारा जारी नियमको विरोधमा हजारौं प्रदर्शनकारीले आइतबार ब्रसेल्समा विरोध प्रदर्शन गरेका छन् । ओमिक्रोनको लहरका

मलेसिया । मलेसियाका पूर्वप्रधानमन्त्री महाथिर मोहम्मदलाई अस्पताल भर्ना गरिएको उनको कार्यालयका प्रवक्ताले शनिबार बताए । ९६ वर्षीय मोहम्मदको राष्ट्रिय हृदय

लन्डन । बेलायतमा ओमिक्रोनको सहप्रजाति देखिएको छ । बेलायतमा गरिएका परीक्षणमा ४०० भन्दा बढी जनामा सहप्रजाति देखिएको हो । ओमिक्रोन

यमन । यमनको सादा नामक सहरमा रहेको एक थुना केन्द्रमा भएको हवाई हमलाको संयुक्त राष्ट्रसंघले निन्दा गरेको छ । सो

ताजा समाचार

भारतबाट हुने आवतजावतमा रोक लगाइयो
 २०७८,माघ,९,आईतवार २०:२४