युनाईटेड च्याम्पियन्स लिगको नकआउट चरणमा

काठमाडौं । च्याम्पियन्स लिग फुटबल अन्तर्गत समूह चरणको अन्तिम खेलमा म्यानचेस्टर युनाईटेड बराबरीमा रोकिएको छ । बुधबार राति भएको खेलमा युनाईटेडले स्विस क्लब योङ बोइजसँग १-१ गोलको बराबरी खेलेको हो ।

घरेलु मैदानमा ९ औं मिनेटमा मासन ग्रीनउडले गोल गर्दै युनाईटेडलाई सुरुआती अग्रता दिलाएका थिए । खेलको ४२ औं मिनेटमा फाबियन राइडरले गोल गर्दै योङ बोइजलाई १-१ गोलको बराबरीमा फर्काए ।

योङविरुद्ध बराबरीमा रोकिएपनि युनाईटेड समूह विजेता बन्दै नकआउट चरणमा पुगेको छ । समूह एफको युनाईटेडले ६ खेलमा ११ अंक जोडेको छ । योङ ४ अंक जोडेर समूहको पुछारमा रहेको छ।