काठमाडौं । एट्लेटिको मड्रिड च्याम्पियन्स लिग फुटबलको नकआउट चरणमा प्रवेश गरेको छ ।
समूह चरणको अन्तिम खेलमा पोर्चुगिज क्लब एफसी पोर्टोलाई ३-१ गोल अन्तरले हराउँदै एट्लेटिको अन्तिम १६ मा पुगेको हो।
एन्टोनी ग्रीजम्यानले खेलको ५६ औं मिनेटमा गोल गर्दै एट्लेटिकोलाई सुरुवाती अग्रता दिलाएका थिए । ६७ औं मिनेटमा यान्निक कारास्कोले रातो कार्ड पाएपछि एट्लेटिको १० खेलाडीमा समेटिएको थियो ।
खेलको ७० औं मिनेटमा वेन्डेले रातो कार्ड पाएपछि पोर्टो पनि १० खेलाडीमा सिमित भएको थियो । खेलको ७५ औं मिनेटमा मार्चेसिनले रातो कार्ड पाएपछि पोर्टो ९ खेलाडीमा समेटिएको थियो ।
खेलको ९० औं मिनेटमा एन्जल कोर्रेयाले गोल गर्दै एट्लेटिकोलाई २-०को अग्रता दिलाए । इन्जुरी समयको दोस्रो मिनेटमा पाउलले गोल गर्दै एट्लेटिकोलाई ३-० को अग्रता दिलाए ।
त्यसपछि इन्जुरी समयको छैटौं मिनेटमा पोर्टोका ओलिभिएराले एक गोल फर्काएपनि एट्लेटिको ३-१ ले विजयी भयो ।
यस जितसँगै एट्लेटिको समूह बी को उपविजेता बन्दै अन्तिम १६ मा पुगेको छ । एट्लेटिकोले ६ खेलमा ७ अंक जोडेको छ ।
पोर्टो ५ अंक जोडेर तेस्रो स्थानमा रहेको छ ।
यो खबर पढेर तपाईलाई कस्तो महसुस भयो ?
प्रतिक्रिया