काठमाडौं । नेपालमा ओमिक्रोन भेरियन्टको सङ्क्रमण पुष्टि भएको छ। दक्षिण अफ्रिकाबाट आएका दुई जनामा ओमिक्रोन भेरियन्टको सङ्क्रमण पुष्टि भएको स्वास्थ्य तथा जनसंख्या मन्त्रालयका सहप्रवक्ता डा. समिर कुमार अधिकारीले जानकारी दिए ।
६६ वर्षीय विदेशी नागरिक र उनको सम्पर्कमा आएका ७१ वर्षीय व्यक्तिलाई ओमिक्रोन भेरियन्ट देखिएको मन्त्रालयले जनाएको छ ।
उनीहरू दुवैले कोरोना भाइरसविरुद्धको खोपको पूर्ण मात्रा लगाएको र पीसीआर रिपोर्ट नेगेटिभसहित नेपाल प्रवेश गरेका थिए ।
दुवै जना अस्पतालको आइसोलेसन कक्षमा चिकित्शकको निगरानीमा रहेका छन् ।
दक्षिण अफ्रिकाबाट आएका दुई जनाको नमूना संकलन गरी परीक्षण गर्दा उनीहरुमा ओमिक्रोन भेरियन्टको सङ्क्रमण पुष्टि भएको हो ।
यो पनि पढ्नुहोस् : नेपालमा पनि ओमिक्रोन भेरियन्टको संक्रमण पुष्टि
यो खबर पढेर तपाईलाई कस्तो महसुस भयो ?
प्रतिक्रिया