कुलोमा पानी लगाउन जाँदा लडेर पाण्डेको मृत्यु

कुलोमा पानी लगाउन जाँदा नुवाकोट बेलकोटगढी नगरपालिका वडा नम्बर ११ का रूद्धजंग पाण्डेको मृत्यु भएको छ ।

बुधबार बिहान कुलोमा पानी लगाउन गएका पाण्डेको पानी थुन्नका लागि स्याउला खसाल्न रूखमा चढेका थिए ।

रुखबाट लडेर उनको मृत्यु भएको प्रहरीले जनाएको छ । पाण्डेको श्रीमती र तीन छोरा  छन् । उनका छोरा ठाकुरजंग पाण्डे नेपाली कांग्रेसको क्षेत्रीय महाधिवेशन प्रतिनिधि  हुन् ।