काठमाडौं । इटालियन सिरी ए फुटबलमा युभेन्टसले जित हात पारेको छ । मंगलबार राति भएको खेलमा युभेन्टसले सालेरनिटानालाई २-० गोल अन्तरले पराजित गरेको हो ।
खेलको २१ औं मिनेटमा डिबालाले गोल गर्दै युभेन्टसलाई अग्रता दिलाएका थिए । खेलको ७० औं मिनेटमा मोराटाले गोल गर्दै युभेन्टसलाई २-० को जित दिलाए ।
यस्तै खेलको इन्जुरी समयमा डिबालाले पेनाल्टीमा गोल गर्न चुकेका थिए ।
जितसँगै युभेन्टस १५ खेलमा २४ अंक जोड्दै तालिकाको सातौं स्थानमा रहको छ । सालेरनिटाना ८ अंक जोडेर पुछारमा रहेको छ ।
यो खबर पढेर तपाईलाई कस्तो महसुस भयो ?
प्रतिक्रिया