काठमाडौं । एमालेको संसदीय दलका उपनेता सुवास नेम्वाङले वरिष्ठ उपाध्यक्ष पद नछोड्ने चट्टानी अडान राखेका छन् ।
शुक्रबारदेखि चितवनमा जारी १०औँ महाधिवेनमा नेतृत्व चयन गर्ने जारी छलफलमा उनले आफू वरिष्ठ उपाध्यक्षबाट पछि नहट्ने बताए ।
सो विषयमा नेम्वाङले अध्यक्ष केपी शर्मा ओलीसँग समेत छलफल गरेका छन् । सौराहाको पार्क सफारी होटलमा ओलीसँगको छलफलबाट बाहिरिएपछि उनले भने, ‘अध्यक्षले कुराकानी गरिरहनुभएको छ, मैले पद छाडेको छैन ।’
एमालेको १०औँ महाधिवेशनमा सर्वसहमतिमा नेतृत्व चयन गर्ने विषयमा छलफल भइरहेको छ । यता पार्टी उपाध्यक्ष भीम रावलले अध्यक्षमा उम्मेदवारी दिने घोषणा गरे पनि अन्तिमसम्म सर्वसहमतिमा नेतृत्व चयन गर्नेबारे छलफल भइरहेको एक नेताले बताए ।
यो खबर पढेर तपाईलाई कस्तो महसुस भयो ?
प्रतिक्रिया