प्रदिप ज्ञवालीले भने- ‘पार्टीको नवौँ महाधिवेशनले गरेका संकल्प पूरा भए’

काठमाडौं । नेकपा एमालेका प्रवक्ता पार्टीले नवौँ महाधिवेशनका क्रममा गरेका संकल्प पूरा भएको बताएका छन् ।

आज चितवनमा नेकपा एमालेको १०औँ राष्ट्रिय महाधिवेशनको उद्घाटनपूर्व सभालाई सम्बोधन गर्दै सो कुरा बताएका हुन् ।

२०७१ सालमा सम्पन्न एमालेको ९औँ महाधिवेशनको सन्दर्भमा पार्टीले पार्टी सदस्य संख्या साढे २ लाखबाट ५ लाख पुर्याउने, स्थानीय र आम निर्वाचनमा पार्टीलाई विजयी गराउने पार्टीको संकल्प पुरा भएको बताए ।

‘नवौँ महाधिवेशनमा पार्टीले गरेका संकल्पहरु पूरा भएको छ । नवौँ महाधिवेशनमा हाम्रो पार्टी सदस्य संख्या २ लाख ६० हजार रहेकोमा ५ लाख पुर्याउने संकल्प पुरा भएको छ’, प्रवक्ता ज्ञवालीले भने, ‘स्थानीय र आम निर्वाचनमा पार्टीलाई जिताउने अभियान पुरा भएको छ । ’
त्यस्तै सबै किसिमबाट नेकपा एमाले देशको पहिलो नम्बरको पार्टी बनेको बताए ।

आगामी तीन दिनसम्म चल्ने नेकपा एमालेको १०औँ राष्ट्रिय महाधिवेशन चितवनको नारायणी किनारबाट उद्घाटन हुँदैछ ।