काठमाडौं । टीभी अभिनेत्रीबाट राजनीतिज्ञ बनेकी भारतकी स्मृति इरानी द कपिल शर्मा शोमा पाहुनाको रुपमा आएकी थिइन् । तर उनी सुटिङ नगरी फर्किएकी छिन् । स्मृति इरानी आफ्नो पुस्तक ‘लाल सलाम’को प्रमोशनका लागि यहाँ आउन लागेकी थिइन् तर गार्डले उनलाई भित्र पस्न दिएनन् । अन्ततः स्मृति इरानी फर्किनु पर्यो ।
स्रोतका अनुसार भारतकी केन्द्रीय मन्त्री सुटिङका लागि प्रवेशद्वारमा पुग्दा त्यहाँका सुरक्षा गार्ड अन्नाले उनलाई चिन्न सकेनन् । स्मृतीले उनलाई सेटमा एपिसोड सुट गर्न निमन्त्रणा गरिएको बताउँछिन्, उनी शोको विशेष अतिथि हुन्। त्यसमा गार्डले भने,’हामीलाई कुनै आदेश आएको छैन, माफ गर्नुहोस् महोदया, तपाईं भित्र जान सक्नुहुन्न।’
यद्यपि धेरैले यो सबै स्मृति इरानीका ड्राइभर र कपिल शर्मा शोका गेटकीपरबीच भएको बताएका छन् । यो कुरा कपिल शर्मा र स्मृति इरानीलाई थाहा थिएन । तर, जब कपिल र उनको प्रोडक्सन टिमलाई यो कुरा थाहा भयो तब सेटमा हंगामा मच्चियो ।
हालै स्मृति इरानीले निकै तौल घटाएकी छिन् । ‘क्युँकी सास भी कभी बहू थी’ बाट लोकप्रियता कमाएकी स्मृति इरानी अहिले निकै स्लिम भएकी छिन् । उनका अघि र पछिका तस्बिरहरु निकै भाइरल भइरहेका छन् र फ्यानहरुले उनको कमेन्ट सेक्सनमा तौल घटाउने टिप्स मागेका छन् ।
‘सास भी कभी बहू थी’मा स्मृति इरानीले ‘तुलसी’को भूमिका निभाएकी थिइन् । यो एउटा कार्यक्रमले स्मृतिलाई टीभी जगतमा धेरै माया र पहिचान दियो।
यो खबर पढेर तपाईलाई कस्तो महसुस भयो ?
प्रतिक्रिया