के साँच्चै को-स्टारसँग तेस्रो विवाहको तयारीमा छन् त आमिर खान ?

काठमाडौं । बलिउड अभिनेता आमिर खानको तेस्रो विवाहको खबर सामाजिक सञ्जालमा फैलिएको थियो । केही समयअघि आमिर खानले आफ्नी श्रीमती किरण रावसँग सम्बन्धविच्छेद गरेका थिए ।

त्यस क्रममा दुवैले संयुक्त विज्ञप्ति जारी गरेका थिए । हामी एकअर्काको परिवार सह-अभिभावकको रूपमा हुनेछौं। यसपछि आमिर खानको नाम उनकी सह-अभिनेत्री फातिमा सना शेखसँग जोडियो र त्यसपछि अचानक उनको तेस्रो विवाहको खबर मिडियामा आयो । आमिर खानले अप्रिल महिनामा तेस्रो विवाह गर्न सक्ने दाबी गरिएको थियो । तर अहिले यो रिपोर्टलाई गलत भनिएको छ ।

आमिर खानको तेस्रो विवाहको खबरमा कुनै सत्यता नभएको दाबी गरिएको छ । आमिर खानको नजिकको स्रोतले उनको तेस्रो विवाहको खबर झुटो भएको बताएको छ ।

सामाजिक सञ्जालमा आमिर खानले आफ्नो आगामी फिल्म ‘लाल सिंह चड्ढा’ को रिलिजपछि तेस्रो विवाहको घोषणा गर्नेछन् भन्ने चर्चा चलेको थियो । फिल्म अर्को वर्ष अप्रिलमा रिलिज हुँदैछ । जसका कारण आमिरले आउँदो वर्ष अप्रिलमा फ्यानलाई आफ्नो विवाहको जानकारी दिन सक्ने अनुमान गरिएको छ । किनभने अभिनेताले आफ्नो फिल्मलाई लिएर कुनै पनि प्रकारको विवाद नचाहेका छन् ।

आमिर खानले पहिलो विवाह रीना दत्तसँग गरेका थिए तर दुवैले सन् २००२ मा सम्बन्धविच्छेद गरेका थिए । त्यसपछि आमिरले किरण रावसँग विवाह गरे तर दुवैको विवाह लामो समय टिक्न सकेन । आमिर खानले किरण रावसँग सम्बन्धविच्छेद गरेदेखि अभिनेताको नाम प्रायः फातिमा सना शेखसँग जोडिएको छ। फातिमा आमिर खानसँग फिल्म ‘दंगल’ र ‘ठग्स अफ हिन्दोस्तान’मा देखिएकी थिइन् । आमिर खान र फातिमा सना शेख रिलेशनशिपमा रहेको हल्ला चलेको थियो ।

तर, यी खबरलाई नायिकाले खण्डन गरेकी छिन् । फातिमाले आफ्नो एक अन्तर्वार्तामा भनिन्, ‘यो एकदमै अनौठो थियो, मेरी आमाले यो सबै टिभीमा हेर्नुहुन्थ्यो । भोलिपल्ट पत्रिकामा मेरो फोटो हेरेर ‘हेर तिम्रो फोटो आयो’ भन्ने गर्नुहुन्थ्यो । हेडलाइन सुन्नको लागि, पढेर सुनाउन भनेर सोध्ने गर्थे, के लेखेको हो ? आफ्नो बारेमा यस्ता कुरा सुन्दा मलाई अचम्म लाग्थ्यो । त्यसपछि सबैका अगाडि आफ्नो कुरा राख्नु पर्ने आवश्यकता महसुस भयो ।