नेपाल कम्युनिष्ट पार्टी (एकीकृत समाजवादी) का अध्यक्ष माधव कुमार नेपालले शेरबहादुर देउवा नेृतत्वको वर्तमान गठबन्धन सरकारले जनताप्रति उत्तरदायी भएर काम गरिरहेको बताएका छन् ।
काठमाडौंमा आज एकीकृत समाजवादी तनहुँ– काठमाडौं सम्पर्क मञ्चद्वारा आयोजित भेलामा अध्यक्ष नेपालले गठबन्धन सरकारले जनताको हित हुने गरी काम गरिरहेको बताए । नेपालले पाँच दलको एकता बलियो रहेको भन्दै गठबन्धनलाई कसैले भत्काउन नसक्ने बताए ।
कार्यक्रममा श्रम, रोजगार तथा सामाजिक सुरक्षामन्त्री कृष्णकुमार श्रेष्ठले देशभित्रै रोजगारीको अवसर सिर्जना गर्नेतर्फ सरकार गम्भीर रहेको बताए ।
भेलाबाट श्रीराम पौडेलको अध्यक्षतामा ३७ सदस्यीय सम्पर्क मञ्च गठन गरिएको छ । कार्यक्रममा एमाले कांग्रेस लगायत पार्टी परित्याग गरि ५३ जना एकीकृत समाजवादीमा प्रवेश गरेका थिए । उनीहरुलाई पार्टी अध्यक्ष नेपालले स्वागत गरेका थिए ।
यो खबर पढेर तपाईलाई कस्तो महसुस भयो ?
प्रतिक्रिया