काठमाडौं । आज (बिहीबार) विभिन्न २ कम्पनीले लाभांश घोषणा गरेको छ । नेसनल माइक्रोफाइनान्स वित्तीय संस्था लिमिटेड र छिमेक लघुवित्त वित्तीय संस्था लिमिटेडले आर्थिक वर्ष २०७७/७८का लागि लाभांश प्रस्ताव गरेका हुन्।
नेसनल माइक्रोफाइनान्सले गत आर्थिक वर्षका लागि कुल ४५ प्रतिशत लाभांश घोषणा गरेको हो । जसमा ४० प्रतिशत बोनस सेयर र ५ प्रतिशत नगद लाभांश (कर प्रयोजनार्थ) रहेको छ । संस्थाको बुधबार बसेको सञ्चालक समितिको बैठकले उक्त प्रस्ताव गरेको हो ।
छिमेक लघुवित्तको बुधबार बसेको सञ्चालक समितिको बैठकले गत आर्थिक वर्षको मुनाफाबाट हाल कायम चुक्तापुँजीको कुल ३० प्रतिशत लाभांश वितरण गर्ने प्रस्ताव गरेको हो । प्रस्तावित लाभांशमा २७ प्रतिशत बोनस सेयर र ३ प्रतिशत नगद लाभांश (करप्रयोजनार्थ) रहेको छ ।
दुवै कम्पनीको उक्त प्रस्तावित लाभांश नेपाल राष्ट्र बैंकको स्वीकृतिपछि आगामी वार्षिक साधारणसभाबाट पारित भएपश्चात वितरण गरिनेछ।
यो खबर पढेर तपाईलाई कस्तो महसुस भयो ?
प्रतिक्रिया