काठमाडौं । संसारमा केही यस्ता कुरा हुन्छन्, जुन मानिसमा सधैँ चर्चाको विषय बन्छन् ।
भारतको मध्य प्रदेशको जबलपुरमा एउटा यस्तो ढुङ्गा छ, जुन आफ्नो बनावटलाई लिएर चर्चामा रहन्छ । यसलाई ब्यालेन्सिङ रक भनेर चिनिने गरिन्छ । कयौँ क्विन्टल तौलको यो ढुङ्गा केही इन्चको आधारबाट आफ्नो ठाउँमा यथावत रहेको छ । यसको सन्तुलन यस्तो छ कि अहिलेसम्मकै ठूलो भूकम्पको धक्काले पनि हल्लाउन सकेको छैन ।
यो ढुङ्गा कसरी बलियो भयो भन्ने कुरा आज पनि मानिसमा रहस्य नै छ । यो रहस्य हेर्न हरेक वर्ष ठूलो संख्यामा पर्यटकहरू आउने गर्दछन् । धेरै विज्ञहरूले यसको रहस्य सुल्झाउने प्रयास पनि गरेका छन्, तर उनीहरूको जवाफ छ कि यो ढुङ्गा गुरुत्वाकर्षण बलका कारण स्थिर छ।
मध्य प्रदेशको जबलपुर सहर यसको ग्रेनाइट चट्टानहरूको नामले पनि प्रसिद्ध छ। यी चट्टानहरूको बीचमा मदनमहलको पहाडमा रानी दुर्गावतीको किल्ला अवस्थित छ।
ब्यालेन्स रक रानी दुर्गावतीको किल्ला नजिकै अवस्थित छ। यहाँ एउटा ठूलो चट्टानको माथि अर्को ढुङ्गा छ। हेर्दा जुनसुकै बेला खस्छ कि जस्तो लाग्छ । तर धेरै वर्षदेखि यो अवस्थामा राखिएको छ।
सन् १९९७ मा २२ मेमा भारतमा भूकम्प गएको थियो, जसले जबलपुरमा ठूलो क्षति पुर्याएको थियो। त्यसबेला भूकम्पको धक्काले धेरै भवनहरु ध्वस्त भएका थिए । धेरैको ज्यान पनि गएको थियो, तर भूकम्पले प्रभावित नगरेको पूरै सहरमा एउटा मात्र सन्तुलित चट्टान थियो।
सन् १९९७ को भूकम्पको म्याग्निच्युड ६.२ थियो । तर यो ढुङ्गा पनि आफ्नो ठाउँबाट हटेन। यही कारणले गर्दा यसलाई ब्यालेन्सिङ रक भनिन्छ र सधैँ मानिसहरूमाझ चर्चाको विषय बनिरहन्छ।
यो खबर पढेर तपाईलाई कस्तो महसुस भयो ?
प्रतिक्रिया