मध्यरातमा जब साथीहरुले नै विद्यालय बिदा हुने भन्दै मार्न खोजे

चितवन– चितवनको खैरहनी नगरपालिकामा रहेको नेपाली सेनाद्वारा सञ्चालित महाविद्यालयको आवास क्षेत्रमा बसेका विद्यार्थीहरुले आफ्नै साथीलाई निर्घात कुटपिट गरेको खबर आजको राजधानी दैनिकमा छापिएको छ ।
साथी मारेपछि विद्यालय बिदा हुन्छ भन्ने सोचले आफ्नै साथीलाई रातको समयमा छात्राबासका विद्यार्थीले सामूहिक कुटपिट गरेका हुन् ।
भरतपुर महानगरपालिका १० का १४ वर्षीय श्रनव लामिछानेलाई मार्ने उद्देश्यका साथ कुटपिट भएको समाचारमा उल्लेख छ ।
पीडित श्रीनवले भने– कुट्नेले विद्यालय बन्द हुने र उहाँ बस्न नपर्ने भन्दै थिए ।
उनको दायाँ आँखाको छेउमा गहिरो चोट लागेको छ भने आँखामुनिको हड्डी भाँचिएको छ । घाँटीमा हातले थिच्दा निलडाम परेको छ भने दुबै आँखामा रगत जमेको छ ।