बेलायतमा पछिल्लो २४ घन्टामा थपिए ४० हजार बढी संक्रमित

लन्डन । बेलायतमा गएको २४ घन्टायता ४० हजार ७७ जना कोरोना भाइरसका सङक्रमित भेटिएका छन् । यो समेतगरी कोरोना भाइरसका सङ्क्रमितको संख्या ९० लाख ९७ हजार पुगेको छ ।

गएको २४ घन्टामा कोरोनाबाट ४० जनाको मृत्यु भएको छ । यो समेतगरी कोरोनाबाट मृत्यु हुनेको संख्या १ लाख ४० हजार ६७२ पुगेको छ ।

बेलायतका स्वास्थ्य अधिकारीहरुले यतिखेर यस भाइरसबाट सङ्क्रमितहरु कम्तीमा पनि ९ हजार जना अस्पतालमा रहेका बताएका छन् । बेलायतमा पछिल्ला केही हप्तायता कोरोना भाइरसका सङ्क्रमितहरु बढ्दै गएको पाइएको बताइएको छ ।