आज पनि सर्वोच्चमा कानुन व्यवसायीहरुको प्रदर्शन

काठमाडौं । सोमबार (आज) पनि कानुन व्यवसायीहरुले सर्वोच्च अदालत परिसरमा प्रदर्शन सुरु गरेका छन् ।

प्रधानन्यायाधीश चोलेन्द्र शमशेर राणाको राजीनामा माग गर्दै आइतबारबाट कानुन व्यवसायीहरु आन्दोलनरत छन् । न्यायालयमा देखिएको विवाद समाधान लगायतका मागहरुसहित नेपाल बार एसोसियसनको अगुवाइमा कानुन व्यवसायीहरु आन्दोलनरत रहेका छन् ।

आइतबार (हिजो) कानुन व्यवसायीहरुले प्रधानन्यायाधीशको राजीनामा माग गर्दै हातमा कालोपट्टी बाँधेर प्रदर्शन गरेका थिए । भने आज पनि हातमा कालोपट्टीसहित विभिन्न नारा लेखिएका पर्चा पम्पेटहरु लिएर प्रदर्शनमा निस्किएका छन् ।

यसअघि शुक्रबार बार एसोसियसनले आन्दोलनका कार्यक्रमहरु जारी गर्दै प्रधानन्यायाधीशलाई ४ दिने अल्टिमेटम समेत दिएको छ ।