काठमाडौं–भारतीय प्रधानमन्त्री नरेन्द्र मोदीको नेपाल भ्रमणबारे मन्त्रिपरिषद् बैठकमा लामो छलफल भएको छ ।
बैठकले मोदीको भ्रमण कार्यतालिका स्वीकृत गरेको छ । सोमबार अबेर सम्पन्न मन्त्रिपरिषदको बैठकले मोदीको दुई दिने नेपाल भ्रमण कार्यतालिका स्वीकृत गरेको सूचना तथा सञ्चार राज्यमन्त्री
गोकुल बास्कोटाले जानकारी दिए । मोदीले आगामी बैशाख २८ र २९ गते नेपालको राजकीय भ्रमण गर्दैछन् ।
यस्तै बैठकले कारागारसम्बन्धी प्रचलित कानुनलाई संशोधन र एकीकृत गर्ने विधेयक तर्जुमा गर्न सैद्धान्तिक सहमति समेत दिएको उनले बताए ।
यस्तै विदेशी रोजगारदाता कम्पनीहरुले नेपाली श्रमिकहरु माग्दा सम्बन्धित देशमा रहेका नेपाली निगोगबाट प्रमाणित भएर आउनुपर्ने निर्णय पनि गरेको छ ।
यो खबर पढेर तपाईलाई कस्तो महसुस भयो ?
प्रतिक्रिया