२१ मङ्सिर २०७८, मंगलवार

विराटनगर डिपोमा १४ लाख लिटर डिजेल भण्डारण थपिँदै

२०७८,कार्तिक,११,बिहीवार ०७:२३

108
Shares

काठमाडौं । डिजेल भण्डारण क्षमता कम भएपछि नेपाल आयल निगमले विराटनगर डिपोमा रहेका मट्टीतेल भण्डारण ट्यांकलाई डिजेल भण्डारण ट्यांकमा परिणत गर्ने भएको छ। मट्टीतेलको खपत कम हुँदै गएपछि निगमले करिब १४ लाख लिटर (१४ सय किलोलिटर) क्षमताका मट्टीतेल ट्यांकलाई डिजेलमा रूपान्तरण गर्ने काम अघि बढाएको हो।

मट्टीतेल ट्यांकलाई डिजेलमा कन्भर्जिङ गर्ने काम अन्तिम चरणमा पुगेको नेपाल आयल निगम प्रदेश १ का प्रादेशिक प्रमुख अशोक शाहले बताए। ‘मट्टीतेलको खपत घटेपछि दुईवटा ट्यांक प्रयोगविहीन थिए,’ शाहले भने, ‘तिनै ट्यांकलाई डिजेलमा परिणत गरेका छौं।’ कात्तिकको तेस्रो सातासम्म कन्भर्जिङ गर्ने काम सम्पन्न हुने प्रमुख शाहले बताए।

डिजेलको पर्याप्त भण्डारण नहुँदा इन्डियन आयल कर्पोरेसन (आइओसी)बाट ल्याएको डिजेल सिधै पम्पमा डाइभर्ट गर्नुपर्ने अवस्था थियो। मट्टीतेलका तीनवटा ट्यांकमध्ये दुईवटालाई डिजेलमा रूपान्तरण गरेपछि अब सात सय १० किलोलिटर क्षमताको एउटा मात्र मट्टीतेल ट्यांक विराटनगर डिपोमा रहने छ। करिब दुई करोड ६० लाख रूपैयाँ खर्चेर डिजेल भण्डारण ट्यांक बनाउन लागिएको हो।

निगमको विराटनगर डिपोबाट पेट्रोल दैनिक करिब चार सयदेखि पाँच सय किलोलिटर र डिजेल करिब एक हजारदेखि १५ सय किलोलिटर बिक्री हुने गरेको छ। विराटनगरबाट प्रदेश १ का सुनसरी, सिरहा, सप्तरी, धनकुटा, मोरङ, सुनसरी, उदयपुर, तेह्रथुम, धनकुटा, भोजपुर, खोटाङ, अखेलढुंगा, सोलुखुम्बुलगायत जिल्लामा इन्धन आपूर्ति हुने गरेको छ। विराटनगरमा अहिले आठ हजार नौ सय १० किलोलिटर क्षमताको डिजेल भण्डारण क्षमता रहेको छ।

विराटनगरमा आइओसीको सिलिगुढी र बरौनीबाट इन्धन आयात हुने गरेको छ। इन्धन भण्डारण क्षमता वृद्धिसँगै विराटनगर डिपोपरिसरमा फायर फाइटिङका लागि पानीका ट्यांक पनि निर्माण गर्ने तयारी गरिएको छ। दुर्घटनाको सम्भावित जोखिम न्यूनीकरण गर्नका लागि करिब दुई हजार किलोलिटर क्षमताका पानी ट्यांक निर्माण गर्ने योजना रहेको प्रमुख शाहले बताए।

विराटनगरको प्रादेशिक डिपोलाई व्यवस्थित बनाउन लागिएको निगमले जनाएको छ। डिपो परिसरलाई व्यवस्थित बनाउन बाहिरबाट पर्खाल लगाउने निगमको योजना छ। डिपोमा डिजेल, पेट्रोल व्यवस्थित ढंगले लोड अनलोड गर्नका लागि व्यवस्थित प्रणाली अपनाइएको छ। त्यहाँ डिजेलका पाँच, पेट्रोलका दुई र मट्टीतेलको एक लोडिङ प्वाइन्ट रहेका छन्। प्रदेश १ मा करिब चार सय ट्यांकरले इन्धन ढुवानी गर्छन्।

निगमले सडकछेउमा हुँदै आएको पार्किङलाई व्यवस्थित बनाएको छ। निगमको जग्गामा पार्किङ अपुग भएपछि निजी जमिन भाडामा लिएर एक सय ट्यांकर पार्किङ गर्ने व्यवस्था मिलाएको प्रमुख शाहले बताए। ‘डिपोनजिकै रहेको पार्किङले अपुग भएपछि निजी जमिन भाडामा लिएर पार्किङ स्थल बनाएका छौं,’ प्रमुख शाहले भने, ‘अहिले सडकछेउमा ट्यांकर पार्किङ गर्नुपर्ने अवस्था छैन।’

यो समाचार आजको नागरिक दैनिकमा छ ।

प्रकाशित मिति: २०७८,कार्तिक,११,बिहीवार ०७:२३

प्रतिक्रिया दिनुहोस !
सम्बन्धित खबरहरु

केन्द्रीय तथ्याङ्क विभागले राष्ट्रिय जनगणना २०७८ को प्रारम्भिक नतिजा सार्वजनिक गर्ने क्रममा नेपालको लिपुलेक, लिम्पियाधुरा र कालापानी क्षेत्रको जनसङ्ख्या समेट्ने

‘हाम्रो मुलुक अयोग्य शासनले गर्दा अराजकता र अशान्तितिर ढल्किन लागेको छ। अब एउटा दरिलो, खँदिलो र बलियो सरकारले मात्र मुलुकलाई

अमेरिकाका स्वास्थ्य अधिकारीले व्यापक रूपमा फैलिरहेको ओमिक्रोन भेरिएन्ट यसअघिको डेल्टाभन्दा कम खतरनाक रहेको प्रारम्भिक नतिजाले देखाएको बताएका छन्। अमेरिकी राष्ट्रपति

सामाजिक सुरक्षा कोषमा गत जेठ र असारमा जम्मा गर्नुपर्ने योगदानकर्ताको योगदान रकम सरकारले जम्मा गरिदिने बताए पनि अहिलेसम्म निकासा भएको

ताजा समाचार

बुटवलको विभिन्न समस्या समाधान गर्न दबाब
 २०७८,मङ्सिर,२१,मंगलवार २०:४८
उपकुलपतिमा डा महतो नियुक्त
 २०७८,मङ्सिर,२१,मंगलवार २०:४२
इजरायलमा बर्ड फ्लूको प्रकोप
 २०७८,मङ्सिर,२१,मंगलवार १९:५३
कारागारमा आगलागी हुँदा ३८ जनाको मृत्यु
 २०७८,मङ्सिर,२१,मंगलवार १९:४८