१८ मङ्सिर २०७८, शनिवार

लगातार हाच्छ्युँ किन आउँछ ? यस्तो छ यसको उपचार (भिडियोसहित)

२०७८,कार्तिक,८,सोमवार ०८:३०

5.661k
Shares

श्वासप्रश्वाससम्बन्धी देखिने एलर्जिक राइनाइटिसको समस्या अहिले बढ्दै गएको चिकित्सकहरूले बताएका छन् । वायुमण्डलमा भएका विभिन्न किसिमका प्रदूषणदेखि शरीरको रोगप्रतिरोधी क्षमतामा देखिएको कमी, खानपान र जीवनशैलीमा आएको परिवर्तनका कारण यो समस्या बढेको उनीहरू बताउँछन् ।

एलर्जिक राइनाइटिसको विषयमा आयुर्वेदिक उपचार गर्दै आएका डा. नवीन बास्तोलाका अनुसार यो समस्या देखिनुका धेरै कारण रहे पनि अहिले यो समस्या बढ्दै गएको छ । लगातार रूपमा हाच्छ्युँ आउनु, नाकबाट पातलो सिँगान बग्नु, नाक, आँखा, घाँटी चिलाउनु यसको मुख्य लक्षण हो ।

श्वासप्रश्वासको माथिल्लो भागबाट देखिने यो समस्यालाई समयमै उपचार नगरेमा तल्लो भागमा सङ्क्रमण गरेर दमको समस्या समेत निम्त्याउन सक्ने डा. बास्तोला बताउँछन् ।

डा. बास्तोलाका अनुसार यो समस्या वायुमण्डलमा भएको प्रदूषणलगायत खानपान र जीवनशैलीमा आएको परिवर्तनको कारण बढी देखिन थालेको हो । राति अबेर सुत्ने, चिसो पदार्थहरूको अत्यधिक सेवन गर्ने, शारीरिक अभ्यासका कामहरू कम गर्नेजस्ता कारणले गर्दा यो रोग बालबालिकादेखि युवाहरूमा देखिन थालेको हो ।

उनका अनुसार विशेषतः ५ वर्षमुनिका बालबालिकाहरू बाहिरी वातावरणसँग आफूलाई तालमेल मिलाउन सकिरहेका हुँदैनन् ।

उनीहरूमा बढी श्वासप्रश्वासको समस्या देखिने गर्छ । यस्तो अवस्थामा उनीहरूले चिसो पदार्थको सेवन, साँझको समयमा दही, हरियो सागपात, फलफूल, फ्रिजमा राखेको खानेकुरा खाएमा उनीहरूमा एलर्जिक राइनाइटिसको समस्या हुने सम्भावना बढ्दै जान्छ ।

एलर्जिक राइनाइटिस हुन नदिन खानपानको शैलीमा परिवर्तन, पोसिलो खानेकुराको सेवन, प्रदूषणबाट जोगिनु नै हो । यदि यो समस्या भएमा केही घरेलु खानेकुराबाटै औषधिको रूपमा उपचार गर्न सकिने डा. बास्तोला बताउँछन् ।

डा. बास्तोलासँग एलर्जिक राइनाइटिसको विविध विषयमा गरिएको कुराकानीको भिडियो अंश हेर्नुहोला ।

प्रकाशित मिति: २०७८,कार्तिक,८,सोमवार ०८:३०

प्रतिक्रिया दिनुहोस !
सम्बन्धित खबरहरु

‘ऊ बेलामा एउटै गीतमा ३/४ घण्टा लगाएर बजाउनु पर्थ्याे, अहिले धेरै त होइन तीन घण्टामा १०/१२ वटासम्म गीतमा बाँसुरी बजाउन

नेकपा माओवादी केन्द्रका अध्यक्ष प्रचण्डले एमालेले चितवनमा महाधिवेशन गर्दा विकास देख्ने अवसर पाएको बताएका छन् । उनले चितवन जिल्ला राजनीतिको

१. राष्ट्रिय प्रजातन्त्र पार्टीको नयाँ नेतृत्व चयनका लागि भोली निर्वाचन हुँदै, अध्यक्ष पदका लागि कमल थापा र राजेन्द्र लिङ्देनद्वारा प्यानलसहित

काठमाडौं । ठगीको आरोपमा पक्राउ परेका सिभिल ग्रुपका अध्यक्ष इच्छाराज तामाङविरुद्ध अभियोगपत्र दर्ता भएको छ । शुक्रबार तामाङविरुद्ध १४८ पृष्ठ

ताजा समाचार

श्रम सम्झौता पुनरावलोकनमा कतार सहमत
 २०७८,मङ्सिर,१८,शनिवार ०८:२१
डेढ अर्बको लगानीमा बन्यो अस्पताल
 २०७८,मङ्सिर,१८,शनिवार ०८:१८
चितवनमै ‘स्मार्ट लाइसेन्स’ नवीकरण हुँदै
 २०७८,मङ्सिर,१८,शनिवार ०८:१६
‘होई मेरो संसार’मा सरोज र विनाको छमछमी
 २०७८,मङ्सिर,१८,शनिवार ०८:०८
बेलायतमा ४२ जनामा देखियो ‘ओमिक्रोन’
 २०७८,मङ्सिर,१८,शनिवार ०७:३२