काठमाडौं । संरक्षित वन्यजन्तु गैँडाको खागसहित २ जना पक्राउ परेका छन् ।
पक्राउ पर्नेहरुमा सोलुखुम्बु घर भइ हाल काठमाडौंको स्वयम्भूमा बस्ने १९ वर्षीय तिलक बहादुर बस्नेत र बागलुङ घर भइ काठमाडौं लोकतान्त्रिक चोक बस्ने २८ वर्षीय दिपक गोतामे रहेका छन् ।
महानगरीय अपराध महाशाखाको टोलीले कार्तिक ५ गते शुक्रबार काठमाडौंको गैरीगाउँबाट पक्राउ गरेको हो ।
गैँडाको खाग अवैध रुपमा बिक्री वितरण भैरहेको भन्ने गोप्य सुचनाको आधारमा दुवैलाई पक्राउ गर्न सफल भएको महाशाखाले जनाएको छ ।
महाशाखाका अनुसार उनीहरुलाई पक्राउ गरी वन कार्यालय हात्तीसार काठमाडौं पठाइएको र थप अनुसन्धान भइरहेको छ ।
यो खबर पढेर तपाईलाई कस्तो महसुस भयो ?
प्रतिक्रिया