धारिलो हतियार प्रहार गरी श्रीमतीको हत्या, श्रीमान पक्राउ

सल्यान । सल्यानको कुमाख गाउँपालिका-५ तिमिलेमा आफ्नै श्रीमतीको हत्या गरेको आरोपमा एक जना पक्राउ परेका छन् । पक्राउ पर्नेमा ४७ वर्षीय कबिराम खड्का रहेको छन् ।

खड्काले आफ्नै श्रीमती ४२ वर्षीया कली खड्काको हत्या मंगलबार राति प्रहरीले पक्राउ गरेको हो।

घरायसी विवादको कारण मादक पदार्थ सेवन गरी कबिरामले आफ्नै श्रीमतीलाई धारिलो हतियार (बसुलो) प्रहार गर्दा उनको घटनास्थलमै मृत्यु भएको भन्ने खबर प्राप्त हुनासाथ जिल्ला प्रहरी कार्यालय सल्यान र ईलाका प्रहरी कार्यालय राँगेचौरबाट खटिएको प्रहरीले उनलाई पक्राउ गरेको हो ।

घटनाका सम्बन्धमा थप अनुसन्धान गरिरहेको प्रहरीले जनाएको छ ।