काठमाडौं । नेकपा एमाले निकट अखिल नेपाल राष्ट्रिय स्वतन्त्र विद्यार्थी यूनियन (अनेरास्ववियू) को ५३४ सदस्यीय केन्द्रीय कमिटी गठन गर्दै संगठनलाई पूर्णता दिएको छ ।
गत असोज १ र २ गते काठमाडौंमा आयोजित अनेरास्ववियूको राष्ट्रिय भेलाले अध्यक्ष चयन गरी कमिटीलाई पुनर्गठन गरेको थियो । उक्त भेलाले सुनिता बराललाई अध्यक्षमा चयन गरेको थियो ।
सोमबार अनेरास्ववियूले सर्कुलर जारी गर्दै ३३ जनालाई केन्द्रीय कमिटीको पदाधिकारी चयन गरेको छ ।
अध्यक्षमा बरालसहित अखिलको वरिष्ठ उपाध्यक्षमा आरसी लामिछाने, महासचिव समिक बडाललाई चयन गरेको छ ।
आगामी चैत २२ देखि २४ गतेसम्म अनेरास्ववियूको २३ औं महाधिवेशन तोकिएको छ । सोही अनुसार संगठनलाई पूर्णता दिइएको हो ।
यो खबर पढेर तपाईलाई कस्तो महसुस भयो ?
प्रतिक्रिया