३० श्रावण २०७९, सोमवार

को हुन् हत्या गरिएका शरदकुमार गौचन ?

२०७४,आश्विन,२४,मंगलवार ०१:४१

0
Shares

काठमाडौँ, २४ असोज- नेपाल निर्माण व्यवसायी महासंघका अध्यक्ष शरदकुमार गौचनको सोमबार दिउँसो काठमाडौंमा गोली हानी हत्या गरिएको छ । नयाँबानेश्वरको शान्तिनगर क्षेत्रनजिक रहेको खरिबोटमा अपराह्न २ बजेर ५५ मिनेट जाँदा उनीमाथि गोली प्रहार गरी हत्या गरिएको हो ।डाँफे कन्स्ट्रक्सनका प्रबन्ध निर्देशकसमेत रहेका गौचनलाई घर फर्कने क्रममा अज्ञात समूहले गोली प्रहार गरेको थियो ।निर्माण व्यवसायी संघ कास्की जिल्ला संघका संस्थापक अध्यक्षसमेत रहेका व्यवसायी गौचन एसिया तथा पश्चिम प्यासिफिक एसोसिएनको ४३औं सम्मेलनबाट चार महिनाअघि मात्र उपाध्यक्षमा निर्वाचित भएका थिए ।दक्षिण कोरियाको राजधानी सोलमा भएको ४३औं बैठकले गौचनलाई इफाप्काको उपाध्यक्षमा निर्विरोध निर्वाचित गरेको थियो ।२०३९ सालदेखि निरन्तर निर्माण व्यवसायमा संलग्न गौचनले पुल्चोक इन्जिनियरिङ क्याम्पसबाट प्राविधिक शिक्षा हासिल गरेका थिए ।त्यसपछि २०४० सालमा डाँफे कन्स्ट्रक्सन कम्पनीको नाममा निर्माण व्यवसाय सुरु गरेका गौचनले महासंघमा लगातार तीन कार्यकाल सचिव र एक कार्यकाल महासचिवको कार्यभार सम्हालेका थिए । त्यपसपछि उनी अध्यक्ष भएका थिए । मृतक गौचनका दुई छोरी, एक छोरा, श्रीमती र आमा रहेको राजधानी दैनिकमा खबर छ ।

प्रकाशित मिति: २०७४,आश्विन,२४,मंगलवार ०१:४१

प्रतिक्रिया दिनुहोस !
सम्बन्धित खबरहरु

धनगढी । असार ४ गते धनगढी पुगेका प्रधानमन्त्री शेरबहादुर देउवाले प्रस्तावित गेटा मेडिकल कलेजलाई स्वास्थ्य बिज्ञान प्रतिष्ठान बनाउने घोषणा गरे ।

मुगु । मुगुमा पाँच वर्षपछि फरार अधियुक्त पक्राउ परेका छन् । बहुविवाह मुद्दामा ११ महिना १८ दिन र १० हजार

नुवाकोट । बन्चरेडाँडामा फोहोर बोकेका गाडी तोडफोड गरेको आरोपमा ६ जनाविरुद्ध उजुरी परेको छ । जिल्ला प्रहरी कार्यालय नुवाकोटका प्रहरी

काठमाडौं । सर्वोच्च अदालतले चलचित्र विकास बोर्ड अध्यक्षमा भुवन केसीलाई नियुक्त गर्ने सरकारको निर्णयको सक्कल फाइल मागेको छ । नरेशकुमार

ताजा समाचार

गेटाकाे विषयमा सरकार किन मौन ?
 २०७९,श्रावण,३०,सोमवार २१:४५
मापदण्ड तयार गर्दै सिट बाँडफाँट कार्यदल
 २०७९,श्रावण,३०,सोमवार २१:२९