१३ मङ्सिर २०७८, सोमवार

नेपाल प्रहरीको वफादारी कदरयोग्य छ : मुख्यमन्त्री शाही

२०७८,आश्विन,२०,बुधबार २१:३७

126
Shares

कर्णाली । कर्णाली प्रदेशका मुख्यमन्त्री महेन्द्रबहादुर शाहीले मुलुकमा नेपाल प्रहरीको वफादारी कदरयोग्य रहेको बताएका छन् ।

कर्णाली प्रदेश प्रहरी कार्यालय सुर्खेतद्वारा आज यहाँ आयोजित ६६औँ प्रहरी दिवस उद्घाटन समारोहमा उनले समाजको सामीप्यमा रहेर नागरिक सुरक्षार्थ अहोरात्र खट्ने नेपाल प्रहरीको योगदान सम्मानयोग्य भएको बताए । “नागरिकको शान्ति र सुरक्षामा नेपाल प्रहरीले आफ्नो कर्तव्य पूरा गर्दै आएको छ”, उनले भने, “सङ्गठनलाई आधुनिक प्रविधिसँग समाहित गरेर लैजाँदा यसको गतिशीलता र प्रभावकारिता बढ्दै जान्छ ।”

प्रदेश सरकारका आन्तरिक मामिला तथा कानूनमन्त्री सीताकुमारी नेपालीले जनताको रक्षकका रूपमा प्रहरीले काम गर्दै आएको बताइन् । बदलिएको समयसँगै प्रहरी सङ्गठनले आफ्नो काम कारबाहीलाई सशक्त बनाउँदै लैजानुपर्ने सुझाएकी मन्त्री नेपालीले पछिल्लो समयमा बढ्दै गएका सामाजिक अपराधका घटनाको अध्ययन अनुसन्धानको दायरा बढाउनुपर्नेमा जोड दिइन् ।

वीरेन्द्रनगर नगरपालिकाका प्रमुख देवकुमार सुवेदीले लामो इतिहास पार गरेको प्रहरी सङ्गठनको भूमिका अपेक्षाकृत नै रहेको जनाउँदै सेवालाई प्रविधिमैत्री बनाउनेतर्फ जोड दिन सुझाए । “हिजोभन्दा आजभोलि समाजमा अपराधका घटना बढेको देखिन्छ”, प्रमुख सुवेदीले भने, “यसको गहिरो अनुसन्धानका लागि जनशक्ति उत्पादन तथा परिचालन गर्न सकेमात्र सामाजिक अपराध न्यूनीकरण हुनसक्छ ।”

दिवसमा मुख्यमन्त्री शाहीले कर्णाली प्रदेश प्रहरी तालिम केन्द्र सुर्खेत (हाल नेपालगञ्ज) को वार्षिक मुखपत्र ‘गुरुकूल’ चौथो संस्करणको लोकार्पण गर्नुका साथै कर्तव्यको सिलसिलामा अमरत्व प्राप्त गरेका परिवारलाई सम्मान र उत्कृष्ट प्रहरीलाई पुरस्कार प्रदान गरे ।

प्रकाशित मिति: २०७८,आश्विन,२०,बुधबार २१:३७

प्रतिक्रिया दिनुहोस !
सम्बन्धित खबरहरु

काठमाडौं । कर्णाली प्रदेशका मुख्यमन्त्री जीवनबहादुर शाहीले आगामी मंसिर १४ गते विश्वासको मत लिने भएका छन् । मुख्यमन्त्री शाहीले विश्वासको

खलंगा । जुम्लाको कनकासुन्दरी गाउँपालिका–४ लामाथाँडामा सिञ्जा सभ्यताको विधेयकमाथि सुझाव संकलन गरिने भएको छ । कर्णाली प्रदेशसभामा दर्ता भएको सिञ्जा

कर्णाली । कर्णाली प्रदेशको राजधानी सुर्खेत गिरीघाटमा अटोरिक्सा दुर्घटना हुँदा एकजनाको मृत्यु भएको छ । सुर्खेत–जुम्ला सडकखण्डमा बाङ्गे सिमलबाट गिरीघाटतर्फ

कर्णाली । कर्णाली प्रदेशका नवनियुक्त प्रदेश प्रमुख तिलक परियारले आज पदभार ग्रहण गरेका छन् । पदबहाली गरेका प्रदेश प्रमुख परियारलाई

ताजा समाचार

प्रधानन्यायाधीश जबरा अस्पताल भर्ना
 २०७८,मङ्सिर,१३,सोमवार २२:३२
सरकारले गर्‍यो १० सचिवको सरुवा, को कहाँ ?
 २०७८,मङ्सिर,१३,सोमवार २०:३२