एमाले विधान महाधिवेशन: समूहगत छलफल सकियो, टोली नेताले २ बजेपछि प्रस्तुत गर्ने

काठमाडौं । नेकपा एमालेको विधान महाधिवेशन ललितपुरको गोदावरीमा जारी छ ।शुक्रबारदेखि ललितपुरको गोदावरीमा सुरु महाधिवेशनको दोश्रो दिन आज पेस भएका तीनवटा प्रतिवेदनमाथि समूहगत छलफल सकिएको छ ।

दुई बजेपछि टोली नेताले समूहगत छलफलको संक्षेपमा प्रस्तुत गर्ने कार्यसूची रहेको छ ।

प्रतिनिधिहरुले अध्यक्ष केपी शर्मा ओलीले प्रस्तुत गरेको राजनीतिक प्रतिवेदन, महासचिव ईश्वर पोखरेलले प्रस्तुत गरेको सांगठनिक प्रतिवेदन र उपमहासचिव विष्णु पौडेलले प्रस्तुत गरेको विधान संशोधन प्रस्तावमाथि छलफलमा भाग लिएका थिए।

शुक्रबार छलफलका लागि प्रतिनिधिहरूलाई १० वटा समूहमा विभाजन गरिएको थियो । १० वटा समूहलाई सहजीकरण गर्न २० जना नेताहरुलाई जिम्मेवारी दिइएको छ।