एमाले विधान महाधिवेशन : समूहगत छलफल सुरु

काठमाडौं । नेकपा एमालेको विधान महाधिवेशनको समूहगत छलफल सुरु भएको छ ।शुक्रबारदेखि ललितपुरको गोदावरीमा सुरु महाधिवेशनको दोश्रो दिन आज पेस भएका तीनवटा प्रतिवेदनमाथि समूहगत छलफल सुरु भएको हो ।

महाधिवेशनमा पेस भएका दस्तावेजमाथि छलफल गर्न प्रतिनिधिहरूलाई १० वटा समूहमा विभाजन गरिएको छ ।

समूहगत रुपमा विभाजित जनप्रतिनिधिहरुले अध्यक्ष केपी शर्मा ओलीले प्रस्तुत गरेको राजनीतिक प्रतिवेदन, महासचिव ईश्वर पोखरेलले प्रस्तुत गरेको सांगठनिक प्रतिवेदन र उपमहासचिव विष्णु पौडेलले प्रस्तुत गरेको विधान संशोधन प्रस्तावमाथि छलफल गर्नेछन् ।

१० वटा समूहलाई सहजीकरण गर्न २० जना नेताहरुलाई जिम्मेवारी दिइएको छ भने महाधिवेशनलाई व्यवस्थित रुपमा सञ्चालन गर्न ५ वटा कमिटी गठन गरिएको छ ।