कोरोना : थप ११ सय ५७ जनामा संक्रमण, यस्तो छ पछिल्लो तथ्यांक (विवरणसहित)

काठमाडौं । नेपालमा पछिल्लो २४ घण्टामा थप १ हजार १ सय ५७ जनामा कोरोना संक्रमण पुष्टि भएको छ ।

देशभर १४ हजार ५ सय ४१ जनाको परीक्षण गर्दा ८ सय ९२ जनाको पीसीआर र २ सय ६५ जनाको एन्टीजेन पुष्टि भएको हो । योसँगै नेपालमा कुल संक्रमितको संख्या ८ लाख ८५ हजार ५ सय ३६ पुगेको स्वास्थ्य तथा जनसंख्या मन्त्रालयले जनाएको छ ।

त्यसैगरी हालसम्म नेपालमा कोरोना संक्रमणको कारण ११ हजार १ सय २३ जनाको मृत्यु् भएको छ । पछिल्लो २४ घण्टामा मात्रै नेपालमा थप ८ जनाको मृत्यु भएको मन्त्रालयले जनाएको छ ।

त्यस्तै पछिल्लो २४ घण्टामा नेपालमा थप १ हजार १ सय १३ जना कोरोना संक्रमणमुक्त भएका छन् । योसँगै नेपालमा कोरोना संक्रमणमुक्त हुनेको संख्या ७ लाख ६४ हजार ८ सय ४७ पुगेको छ ।

मन्त्रालयको तथ्यांक अनुसार १८ हजार १ सय ९३ जना सक्रिय संक्रमित रहेका छन् ।