काठमाडौं । माधवकुमार नेपाल नेतृत्वको एकीकृत समाजवादी (एस) ले सरकारमा जानेहरुको नाम टुंग्याएको छ ।
सरकारले राजनीतिक दल विभाजनसम्बन्धी अध्यादेश खारेज गरेसँगै एसले मन्त्रीहरुको नाम टुंगो लगाएको हो ।
एकीकृत समाजवादीले ७ मन्त्री पाउने चर्चा चले पनि राजनीतिक भागबन्डा मिलाउँदा ६ मन्त्रीसहित १ राज्यमन्त्री पाउने भएको छ । एसको संसदीय दलका नेता समेत रहेका माधवकुमार नेपालले मन्त्री बन्नेहरुको नाम प्रधानमन्त्री देउवासमक्ष बुझाइसकेका छन् । नेपालले सांसद विरोध खतिवडाको नेतृत्वमा सरकारमा जाने सांसदहरुको नाम बुझाएका हुन् ।
को को बन्दैछन् मन्त्री ?
विरोध खतिवडा
मेटमणी चौधरी
रामकुमारी झाँक्री
प्रेम आले
जीवनराम श्रेष्ठ
भवानी खापुङ
सरकारले गत भदौ १ गते ल्याएको राजनीतिक दल विभाजनसम्बन्धी अध्यादेश असोज ११ गते सोमबार फिर्ता गरेको छ । सरकारले अध्यादेश ल्याएसँगै एमालेसँग रुस्टिएका माधव समूहले ३१ सांसदसहित नयाँ दल गठन गरेको थियो ।
यो खबर पढेर तपाईलाई कस्तो महसुस भयो ?
प्रतिक्रिया