८ कार्तिक २०७८, सोमवार

प्युठानमा जिल्लास्तरीय टी-२० क्रिकेट प्रतियोगिता हुने

२०७८,आश्विन,१०,आईतवार १६:४०


प्यूठान । प्युठानको झिम्रुक गाउँपालिका जिल्लास्तरीय टी-२० क्रिकेट प्रतियोगिता हुने भएको छ । दिहाल्नाचौरस्थित लालिगुराँस रङ्गशालामा उक्त प्रतियोगिता असोज २१ गतेबाट हुनेभएको हो ।

नेपाल खेलकुद महासंघ नौबहिनी–४ को आयोजनामा जिल्लास्तरीय टी-२० किक्रेट प्रतियोगिता हुने खेलकुद महासंघ नौबहिनीले बताएको छ । जिल्लास्तरबाट खेलाडीहरू उत्पादन गर्ने उद्देश्यका साथ प्रतियोगिताको आयोजना गरिएको हो ।

देशका विभिन्न जिल्लामा रहेका दर्जनभन्दा बढी क्लब र समूहको सहभागिता हुने अनुमान गरेको आयोजकले बताएको छ । प्रतियोगितामा उत्कृष्ट प्रदर्शन गर्ने खेलाडीलाई ठूला प्रतियोगितामा सहभागी हुन सहयोग पुग्नेछ भन्दै आयोजक टोलीका संयोजक टिबी पुनले भने, ‘क्रिकेटको विकास गर्नलाई साना–ठूला प्रतियोगिता निरन्तर भइराख्नु जरुरी छ ।’

सानो उमेरका युवाहरूले विगतका वर्षहरूमा उत्कृष्ट प्रदर्शन गरेको र उनीहरूलाई अझ बलियो बनाउँदै लैजान यस्ता वातावरण मिलाउन आफूहरू धेरै वर्षदेखि लागिरहेको पुन बताउँछन् ।

आयोजक समितिका सदस्य अर्जुन एमसीले युवाहरूमा क्रिकेटप्रति धेरै लगाव भएको भन्दै क्रिकेटको विकासकालाई सबै मिलेर अगाडि बढ्नुपर्ने बताए ।

प्रतियोगितामा बिजेता हुने टोलीले आकर्षक ट्रफीका साथै नगद ३० हजार रूपैयाँ प्राप्त गर्नेछ भने उपबिजेताले २० हजार रूपैयाँ पुरस्कार प्राप्त गर्नेछ ।

प्रतियोगितामा सहभागी हुन चार हजार रूपैयाँ तिरेर असोज २० गतेभित्र टिम दर्ता गर्नुपर्ने आयोजकले बताएको छ । खेल असोज २१ गतेदेखि प्रस्तावित लालिगुराँस रङ्गशालामा सञ्चालन हुनेछ ।

भौगलिक सौन्दर्यताले सजिएको यो ठाँउ पर्यटकीय हिसाबले पनि सबैका लागि आकर्षणको केन्द्रबिन्दु बन्न पुगेको छ । दिहाल्नाचौरबाट माछापुच्छ्रे, धवलागिरि र जलजला हिमालको दृश्यावलोकन समेत सहभागीहरूले गर्न सक्नेछन् ।

प्रकाशित मिति: २०७८,आश्विन,१०,आईतवार १६:४०

प्रतिक्रिया दिनुहोस !
सम्बन्धित खबरहरु

काठमाडौं । नेपाली युवा राष्ट्रिय फुटबल टोलीले इरानविरुद्ध खेल्दै एएफसी यू–२३ एसियन कप छनोटको यात्रा सुरु गर्दैछ । ताजिकिस्तानमा भोलिदेखि

काठमाडौं । मेयर कप भेट्रान फुटलब प्रतियोगिता अन्तर्गत आएको भएको खेलमा एफई खुमलटार भेट्रान र विजय युथ क्लब हेटौंडा भेट्रानले

काठमाडौं । पाँचौँ बङ्गबन्धु सेन्ट्रल साउथ एशियन आर्टिस्टिक जिम्न्याष्टिक च्याम्पियनसिपमा सहभागी हुन १२ खेलाडीसहित २१ सदस्यीय नेपाली टोली बङ्गलादेशको ढाका

काठमाडौं । आज प्रिमियर लिग फुटबल अन्तर्गत आज म्यानचेस्टर युनाइटेड र लिभरपुल भिड्दै छन् । युनाइटेड र लिभरपुलबीचको खेल नेपाली

ताजा समाचार

थुलुङ दूधकोशीको सेवा अनलाइन मार्फत हुने
 २०७८,कार्तिक,८,सोमवार ०८:१९
एक वर्षपछि घर निर्माणका लागि सम्झौता
 २०७८,कार्तिक,८,सोमवार ०८:०४
विद्यार्थी खोज्दै विद्यालय
 २०७८,कार्तिक,८,सोमवार ०७:५४