वानेश्वरमा गौचन हत्या प्रकरणः पेस्तोलसहित तीन पक्राउ

काठमाडौ, २३ असोज— नेपाल प्रहरीले निर्माण व्यवसायी महासंघका अध्यक्ष शरदकुमार गौचनको हत्यामा संलग्न रहेको आशंकामा तीनलाई पक्राउ गरेको छ ।प्रहरीले तीन राउण्ड गोली र पेस्तोलसहित उनीहरुलाई राजधानीबाट पक्राउ गरेको हो ।गौचनलाई आज दिउँसो नयाँ वानेश्वरमा अज्ञात समूहले गोली हानी हत्या गरेको थियो ।पक्राउ परेका तीन जनाको परिचय खुलाइएको छैन र अनुसन्धान भइरहेको प्रहरीले जनाएको छ ।