चीनबाट नेपाल आइपुग्यो ४४ लाख डोज खोप

काठमडौं । सरकारले चीनबाट खरीद गरेर ल्याउन बाँकी रहेको ४४ लाख डोज भेरोसेल खोप नेपाल आइपुगेको छ ।

शुक्रबार दिउँसो नेपाल एयरलाइन्सको उडानमार्फत उक्त परिमाणको खोप त्रिभुवन विमानस्थल आइपुगेको स्वास्थ्य सेवा विभागले जनाएको छ ।

खोप आपूर्ति शाखाका फार्मेसी अफिसर बडेबाबु थापालेका अनुसार यस अघि ल्याइएका खोपको एक भाइलमा दुई डोज खोप हुन्थ्यो । तर यो पटक एक भाइलमा ५ डोज खोप छन् ।

एक भाइलमा ५ डोज खोप भएको हुनाले एउटै फ्लाइटमा एकै पटक ४४ लाख डोज खोप ल्याउन सम्भव भएको उनले बताए ।

चीनसँग खरीद गरेको ६० लाख डोज भेरोसेल खोपमध्ये १६ लाख डोज यसअघि नै आइसकेको थियो ।