‘संविधानमाथि थिचोमिचो गर्नेहरु संवैधानिक सर्वोच्चताको कुरा गर्दैछन्’

काठमाडौं । राष्ट्रिय सभा सदस्य डा. खिमलाल देवकोटाले संविधानमाथि थिचोमिचो गर्नेहरुले नै संवैधानिक सर्वोच्चताको कुरा गरिरहेको टिप्पणी गरेका छन् ।

सांसद देवकोटाले सामाजिक सञ्जालमा लेख्दै पहिले संविधानको धज्जी उडाउनेले अहिले संवैधानिक सर्वोच्चताको कुरा गर्ने गरेको टिप्पणी गरेका हुन् ।

‘जसले संविधान थिचोमिचो पारे । अहिले उनीहरुनै संवैधानिक सर्वोच्चताको कुरा गर्दैछन । लाजपचाएकाहरु !’ उनले भनेका छन् ।

डा. देवकोटाले दुई दुई पटक संसद विघटन गरेका पूर्व प्रधानमन्त्री केपी शर्मा ओलीसहित एमाले सांसदहरुप्रति लक्षित गरेको बुझ्न सकिन्छ । ओलीले पुस ५ र जेठ ७ गते गरेको प्रतिनिधि सभा विघटनलाई समर्थन गरेका थिए । तर अहिले तीनै सांसदहरु प्रतिनिधि सभामा निरन्तर अवरोध गरी संवैधानिक सर्वोच्चताको कायम गर्ने माग गरिरहेका छन् ।