रौतहटको प्रहरी प्रमुखमा एसपी विनोद घिमिरे

काठमाडौं । एसपी विनोद घिमिरेलाई प्रहरी प्रधान कार्यालयलले रौतहट प्रहरी प्रमुख बनाएर पठाएको छ । एसपी घिमिरेलाई काज सरुवामा रौतहट पठाइएको नेपाल प्रहरीका प्रवक्ता बसन्त बहादुर कुँवरले लोकपथलाई जानकारी दिए ।

रौतहटमा गत साउन ३२ गते पत्रकार मोहम्मद मोजुबुल्लाहको मोटरसाइकलमा प्रहरीले नै लागुऔषध राखी फसाउन खोजेको घटनामा मुछिएपछि एसपी सिद्धिविक्रम शाह काठमाडौं तानिएका थिए ।

उनी काठमाडौं तानिए लगत्तै रौतहट प्रहरीको कमाण्ड डिएसपी नारायण चिमोरियाले पाएका थिए ।